ក្រោយបញ្ចប់សេវាពិនិត្យ និងព្យាបាលភ្នែកជូនពលរដ្ឋ ៣ សង្កាត់ (បឹងសាឡាង ផ្សារដើមគរ និងទឹកល្អក់៣) ដោយឥតគិតថ្លៃ កាលពីថ្ងៃអាទិត្យ ទី ១៨ ខែមិថុនា ឆ្នាំ ២០២៣ រួចមកមានប្រជាពលរដ្ឋជាច្រើននាក់ ត្រូវបានបន្តវះកាត់ និងបកភ្នែកឡើងបាយ តាមការណែនាំរបស់វេជ្ជបណ្ឌិតផ្នែកភ្នែកនៃមន្ទីរពេទ្យព្រះអង្គឌួង ទើបរសៀលថ្ងៃនេះ (២២ មិថុនា) ក្រុមការងារទទួលបន្ទុកសម្របសម្រួលសង្កាត់ផ្សារដើមគរជូនប្រជាពលរដ្ឋចំនួន ៦ រូប និងខាងសម្របសម្រួលសង្កាត់បឹងសាឡាង ដឹកនាំដោយលោក ឈិត សុជាតិ បានជូនពលរដ្ឋចំនួន ១០ រូប មកកាន់មន្ទីរពេទ្យ ដើម្បីពិនិត្យវះកាត់ និងព្យាបាលភ្នែកបន្ត ។

 

សូមបញ្ជាក់ថា ប្រជាពលរដ្ឋដែលបានទៅវះភ្នែក ខ្លះតម្រូវឲ្យសម្រាកនៅមន្ទីរពេទ្យ ហើយខ្លះទៀតក៏បានឲ្យមកសម្រាកនៅផ្ទះវិញផងដែរ ។

 

នេះជាកាយវិការសប្បុរសចេញពីបេះដូង របស់ក្រុមការងារថ្នាក់ជាតិចុះ ជួយមូលដ្ឋានខណ្ឌទួលគោក ដែលឯកឧត្តម កិត្តិនីតិកោសលបណ្ឌិត ទេសរដ្ឋមន្ត្រី ឱម យ៉ិនទៀង ជាប្រធាន បានយកចិត្តទុកដាក់ទៅលើសុខុមាលភាពប្រជាពល​រដ្ឋ ដែលជានិច្ចកាលជួយសម្រួលការលំបាក និងជួយទៅលើកិច្ចការផ្សេងៗទៀតចំពោះពួកគាត់ ៕