ដោយ ម៉ារ៉ា៖
ក្រោយពីក្រុមហ៊ុន Apple បង្ហាញរូបឆោម iPhone 15 ស៊េរីថ្មីនៅសប្តាហ៍នេះ ដោយភ្ជាប់មកជាមួយនូវតួធ្វើពីទីតានីញ៉ូម ដែលធ្វើឱ្យវាក្លាយជាទូរសព្ទស្រាលបំផុតដែលក្រុមហ៊ុនមិនធ្លាប់ផលិត។ នេះជាព័ត៌មានមួយថ្មី អំពីអំពីទីតានីញ៉ូមគួរឱ្យចាប់អារម្មណ៍។ ទីតានីញ៉ូមត្រូវបានប្រើប្រាស់កាន់តែច្រើនឡើងក្នុងការផលិតទូរស័ព្ទចល័ត។ ក្រុមហ៊ុនផលិតទីតានីញ៉ូមរបស់ចិន បាននិយាយថា ពួកគេរំពឹងថា តម្រូវការរ៉ែនឹងកើនឡើង បន្ទាប់ពីក្រុមហ៊ុន Apple ចេញលក់ iPhone ស៊េរីថ្មី ។
រ៉ែទីតាញ៉ូម ត្រូវបានគេប្រើជាអេប៉ុងទីតានីញ៉ូម ដែលអាចបំប្លែងទៅជាលោហៈសម្រាប់ប្រើប្រាស់ក្នុងឧស្សាហកម្ម។ ប្រទេសចិនគឺជាប្រទេសផលិតអេប៉ុងទីតាញ៉ូមដ៏ធំបំផុតរបស់ពិភពលោក ។ កាលពីឆ្នាំមុន ប្រទេសចិនបានផលិតអេប៉ុងទីតានីញ៉ូមច្រើនជាង 150,000 តោន ឬស្មើនឹង 58% នៃទិន្នផលពិភពលោកចំនួន 260,000 តោន។
យោងតាមការស្ទាបស្ទង់ភូមិសាស្ត្រសហរដ្ឋអាមេរិក (USGS) ក៏ត្រូវបានចង្អុលបង្ហាញផងដែរថា ប្រទេសផលិតអេប៉ុងទីតានីញ៉ូមធំជាងគេទីពីរគឺប្រទេសជប៉ុន (19%) បន្ទាប់មករុស្ស៊ី (10%) ខណៈដែលកាហ្សាក់ស្ថានផលិតបាន 16,000 តោន និងអ៊ុយក្រែន 1,000 តោន។
យោងតាម Trade Data Monitor (TDM) កាលពីឆ្នាំមុន សហរដ្ឋអាមេរិកគឺជាអ្នកនាំចូលធំបំផុតនៃអេប៉ុងទីតានីញ៉ូម ដែលស្មើនឹង 36% នៃទិន្នផលសរុបជិត 83,000 តោន។
ប្រទេសចិនជាប្រទេសនាំចូលអេប៉ុងទីតាញ៉ូមធំជាងគេទីពីរដែលមានចំនួនជាង 13,000 តោនកាលពីឆ្នាំមុន។ តាមពីក្រោយដោយប្រទេសកូរ៉េខាងត្បូងចំនួន 9,000 តោន។
ប្រទេសជប៉ុនគឺជាប្រទេសនាំចេញអេប៉ុងទីតានីញ៉ូមដ៏ធំបំផុតរបស់ពិភពលោកកាលពីឆ្នាំមុន និងបានដឹកជញ្ជូនជិត 35,000 តោន តាមពីក្រោយដោយប្រទេសកាហ្សាក់ស្ថានដែលមាន 16,000 តោន និងអារ៉ាប៊ីសាអូឌីតមាន 10,000 តោន។
តើទីតានីញ៉ូមប្រើសម្រាប់អ្វី?
ទីតាញ៉ូមត្រូវបានប្រើប្រាស់ជាទូទៅនៅក្នុងឧស្សាហកម្មយន្តហោះ និងអវកាស ដើម្បីផលិតប្រព័ន្ធឧបករណ៍ចុះចត និង ផ្នែកឧស្សាហកម្មសមុទ្រ ។ សន្លឹកទីតានីញ៉ូមត្រូវបានប្រើក្នុងការផលិតកប៉ាល់ និងនាវាមុជទឹក ខណៈពេលដែលនៅក្នុងវិស័យរថយន្ត ទីតានីញ៉ូមត្រូវបានគេប្រើជាធាតុផ្សំនៅក្នុងម៉ាស៊ីនចំហេះខាងក្នុង ព្រោះវាជួយការពារការប្រេះនៅក្នុងដំណើរការគីមី។
ក្រៅពីនេះ ទីតានីញ៉ូមក៏ត្រូវបានប្រើប្រាស់សម្រាប់ការជំនួសប្ញស និងការផ្សាំធ្មេញផងដែរ ដោយសារតែវាស្រដៀងនឹងឆ្អឹងមនុស្ស។
ទីតានីញ៉ូមជាលោហៈដែលរឹងមាំដូចដែក តែស្រាលជាង ៤៥% និងមានភាពធន់នឹងការច្រេះ ៕