ដោយ សូរ្យរិទ្ធ៖
ទោះបីកន្លងមក TikTok ជាកម្មវិធីផលិតបានវីដេអូខ្លីក៏ដោយ ប៉ុន្តែវាបានក្លាយជាការពេញនិយមក្នុងចំណោមអ្នកប្រើប្រាស់ប្រព័ន្ធផ្សព្វផ្សាយសង្គមរាប់លាននាក់ជុំវិញពិភពលោក ហើយឥឡូវនេះ វាកំពុងចាប់ផ្តើមសាកល្បងសមត្ថភាពសម្រាប់អ្នកប្រើប្រាស់ក្នុងការបង្ហោះវីដេអូដែលមានរយៈពេលរហូតដល់ 30 នាទី ដើម្បីទាញយកប្រជាប្រិយភាពពីអ្នកទ្សនាវីដេអូនៅលើ YouTube ។
ចាប់ផ្តើមពីដំបូងជាមួយនឹងការកំណត់ពេលវេលាខ្លី Content ត្រឹមតែ 15 វិនាទីប៉ុណ្ណោះ ក្រោយមកបានបង្កើនដែនកំណត់ដល់ 1 នាទី 3 នាទី និង 10 នាទី រហូតដល់ 15 នាទីកាលពីប៉ុន្មានខែមុននេះ ។
អត្ថប្រយោជន៍នៃការបង្កើនដែនកំណត់រយៈពេលខ្លីដល់ 30 នាទីនឹងផ្តល់ឱ្យអ្នកប្រើប្រាស់នូវភាពបត់បែនកាន់តែច្រើនក្នុងការចែករំលែក ដូចជា រូបមន្តធ្វើម្ហូប ដំបូន្មានក្នុងវិស័យផ្សេងៗ ទៅមាតិកាអប់រំ ដែលត្រូវការពេលវេលាដើម្បីពន្យល់លម្អិត រួមទាំងសមត្ថភាពក្នុងការអាប់ឡូត Upload កម្មវិធីទូរទស្សន៍កន្លងមកក្នុងរយៈពេលយូរ ដើម្បីកុំឱ្យពួកគេត្រូវកាត់ជាឈុតតូចៗ ខ្លីៗ ដើម្បីរំខានអ្នកគាំទ្ររឿងភាគ ។ ចំណែកមាតិកាព័ត៌មានសម្រាប់ប្រព័ន្ធផ្សព្វផ្សាយ ក៏ជាការល្អមួយដែរ ដែលអាចសរសេរបានវែងសមល្មមចិត្តនឹងអ្នកទទួលព័ត៌មាន ។
ទោះជាយ៉ាងណាក៏ដោយ អ្នកប្រើប្រាស់ដើមរបស់ TikTok ប្រហែលជាមិនចូលចិត្តមើលវីដេអូវែងៗនោះទេ ដូច្នេះហើយ ក្រុមហ៊ុនត្រូវតែរៀបចំខ្លួនដើម្បីដោះស្រាយដើម្បីងាយស្រួលមើល។ ជាឧទាហរណ៍ ចុចឱ្យយូរនៅជ្រុងខាងស្តាំនៃអេក្រង់ ដើម្បីបញ្ជូនវីដេអូទៅមុខយ៉ាងលឿន រួមទាំងការសាកល្បងមុខងារទេសភាពពេញអេក្រង់ ដែលបានចាប់ផ្តើមសាកល្បងនៅក្នុងតំបន់មួយចំនួនផងដែរ។
ទន្ទឹមនឹងនេះ YouTube បានចាប់ផ្តើមគាំទ្រការបង្កើតខ្លឹមសារវីដេអូខ្លី ឬ Shorts បន្ថែមទៀតចាប់តាំងពីឆ្នាំមុន នេះធ្វើឱ្យបន្ទាត់រវាងវេទិកាវីដេអូយក្សទាំងពីរកាន់តែប្រជែងគ្នា ។
ក្រុមហ៊ុន TikTok មិនទាន់ឲ្យដឹងអំពីកាលបរិច្ឆេទសម្រាប់ពេលណាដែលអ្នកប្រើនឹងអាចបង្ហោះឃ្លីបរយៈពេល 30 នាទីបាននៅឡើយទេ ៕