តើមុន​ពេល​ស្លាប់ លោក ម៉ារ៉ាដូណា ផ្តាំចង់បានអ្វី?

កីឡាថ្ងៃសុក្រ ទី27 ខែវិច្ឆិការ ឆ្នាំ2020 ម៉ោង 12:20 នាទី ល្ងាច
 

​អតីត​វីរបុរស​បាល់ទាត់អាហ្សង់ទីន ​បាន​ទទួល​មរណភាព​​កាល​ពី​ថ្ងៃ​ពុធ ទី ២៣ វិច្ឆិកា ក្នុងវ័យ ​៦០​ឆ្នាំ បន្ទាប់​ពី​គាំង បេះដូង ហើយ​សព​របស់​លោក​ត្រូវ​យក​ទៅ​​ដាក់​​និង​ដង្ហែ​​កាន់​ទុក្ខ​ក្នុង​ទីក្រុង Buenos Aires នៃ​ប្រទេស​អាហ្សង់ទីន ។

បើ​យោង​តាម​អ្នក​សារព័ត៌មាន​ម្នាក់​ធ្លាប់​សួរ​ទៅ​កាន់​គ្រួសារ​របស់​លោក ម៉ារ៉ាដូណា មុន​ពេល​ថ្ងៃ​គម្រប់​ខួប​៦០​ឆ្នាំ​ លោក​មាន​បំណង​ប្រាថ្នា​ពេល​ដែល​ស្លាប់​ទៅ​ គឺ​ចង់​ឲ្យ​គេ​ចាក់​ថ្នាំ​ដើម្បី​រក្សា​​សព​ទុក​តម្កល់​ឲ្យ​បាន​យូរ ។ មក​ទល់​នឹង​ពេល​នេះ​មិន​ទាន់​​មាន​​ការ​សម្រេចនៅ​ឡើយ​ទេ ។

នៅ​ក្នុង​ប្រវត្តិសាស្ត្រ​​អាហ្សង់ទីនមាន​តែ​​មនុស្ស​ ៣​នាក់​គត់​ ​ដែល​បាន​ចាក់​ថ្នាំ​រក្សា​សព​ឲ្យនៅយូរ គឺអតីតឧត្តមសេនីយ៍យោធាលោក Jose de San Martin និង​អតីត​ប្រធានាធិបតីលោក​ Juan Domingo Peronនិង​ប្រពន្ធ​របស់​លោក ។

លោក Deigo Maradona អាច​នឹង​ក្លាយ​ជា​មនុស្ស​ទី​៤​ក្នុង​​ប្រវត្តិសាស្ត្រ​​អាហ្សង់ទីន​ដែល​ត្រូវ​ចាក់​ថ្នាំ​ដើម្បី​រក្សា​សព​ទុក​តម្កល់​ឲ្យ​បាន​យូរ ៕

 

ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល


ពាណិជ្ជកម្ម

អត្ថបទថ្មីៗ

អត្ថបទពេញនិយម