ថ្ងៃនេះ ទី ៣១ មករា ជាថ្ងៃបញ្ចប់នៃការប្រកាសទ្រព្យសម្បត្តិ និងបំណុល តាមរបប ២ ឆ្នាំ របស់មន្ត្រីរាជការសាធារណ: នៅអង្គភាពប្រឆាំងអំពើពុករលួយ ។ រយៈពេលមួយខែពេញ ពីថ្ងៃទី ១-៣១ ខែមករា ឆ្នាំ ២០២១ នាយកដ្ឋានប្រកាសទ្រព្យសម្បត្តិ និងបំណុល នៃអង្គភាពប្រឆាំងប្រឆាំងអំពើពុករលួយ ទទួលបានចំនួន ២៥.២២៤ រូប ។
តាមរបាយការណ៍របស់នាយកដ្ឋានប្រកាសទ្រព្យសម្បត្តិ និងបំណុលឲ្យដឹងថា ក្រសួង-ស្ថាប័ន និងរាជធានី- ខេត្ត ចំនួន30 ដែលបានបញ្ចប់ការប្រកាសរបស់ខ្លួន 100% រួមមាន៖ ១. គ.ជ.ប. ២. ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ៣.រដ្ឋលេខាធិការដ្ឋានអាកាសចរណ៍ស៊ីវិល ៤.ក្រុមប្រឹក្សាធម្មនុញ្ញ ៥.ក្រសួងធនធានទឹក និងឧតុនិយម ៦.ក្រសួងអប់រំយុវជន និងកីឡា ៧.ក្រសួងអភិវឌ្ឍន៍ជនបទ ៨.ក្រសួងមុខងារសាធារណៈ ៩.ក្រសួងសាធារណការ និងដឹកជញ្ជូន ១០.ក្រសួងសង្គមកិច្ច អតីតយុទ្ធជន និងយុវនីតិសម្បទា ១១.ក្រុមប្រឹក្សាអភិវឌ្ឍន៍កម្ពុជា ១២.ក្រសួងសុខាភិបាល ១៣.អាជ្ញាធរសវនកម្មជាតិ ១៤.ក្រសួងរ៉ែ និងធម្មការ ១៥.ក្រសួងការងារ បណ្តុះបណ្តាល និងវិជ្ជាជីវៈ ១៦.ក្រសួងធម្មការ និងសាសនា ១៧.ធនាគារជាតិ ១៨.ក្រសួងកិច្ចការនារី ១៩.ក្រសួងបរិស្ថាន ២០.ក្រសួងផែការ ២១.ក្រសួងវប្បធម៌ និវិចិត្រសិល្បៈ ២២.ក្រសួងយុត្តិធម៌ ២៣.ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ២៤.ក្រសួងរៀបចំដែនដីនគររូបនីយកម្ម និងសំណង់ ២៥.ស្ថាប័នប្រឆាំងអំពើពុករលួយ ២៦. ក្រសួងទេសចរណ៍ ២៧.ក្រសួងកសិកម្ម រុក្ខប្រមាញ់ និងនេសាទ ២៨.ក្រសួងប្រៃសនីយ៍ និងទូរគមនាគមន៍ ២៩.ក្រសួងសេដ្ឋកិច្ច និងហិរញ្ញវត្ថុ និង៣០.ក្រសួងមហាផ្ទៃ ផ្នែកនគរបាលជាតិ ។
ក្នុងរយៈពេលប្រកាសមួយខែនេះ មានឥស្សរជនជាន់ខ្ពស់ក្នុងជួររាជរដ្ឋាភិបាល និងថ្នាក់រដ្ឋលេខាធិការ អនុរដ្ឋលេខាធិការនៃក្រសួងផ្សេងៗជាច្រើនរូបបានអញ្ជើញមកប្រកាសផ្ទាល់នៅអង្គភាពប្រឆាំងអំពើពុករលួយ សរុបបុគ្គលកាតព្វកិច្ចប្រកាសទ្រព្យបានអញ្ជើញមកផ្ទាល់មានចំនួន ៣.១០០ រូប ៕
អត្ថបទ សូរ្យសែង