ទីភ្នាក់ងារសារព័ត៌មាន Irrawaddy បានផ្សាយថា នៅថ្ងៃទី ១ ខែកុម្ភៈ កងទ័ពមីយ៉ាន់ម៉ាកំពុងឃុំខ្លួនលោកស្រី អ៊ុង សានស៊ូឃ្យី នៅផ្ទះរបស់គាត់ក្នុងរដ្ឋធានីណៃពិដោ ចំណែកលោកប្រធានាធិបតី វីន មីអ៊ីន (Win Myint) និងមេដឹកនាំជាច្រើននៃសម្ព័ន្ធភាពជាតិដើម្បីប្រជាធិបតេយ្យ (NLD) ក៏កំពុងស្ថិតក្នុងការឃុំខ្លួនក្នុងផ្ទះដែរ ។ តែតាមព័ត៌មានខ្លះទៀតថា ការឃុំខ្លួនមិនបាននៅក្នុងរដ្ឋធានីណៃពិដោទេ តែរស់នៅក្នុងទីក្រុងយ៉ាំងហ្គោនដែលជាទីក្រុងធំបំផុតរបស់ មីយ៉ាន់ម៉ា  ទោះយ៉ាងណាលោកស្រី ស៊ូឃ្យី ត្រូវបានចាប់ខ្លួននៅព្រឹកថ្ងៃទី ១ ខែកុម្ភៈ ខណៈពេលដែលលោកស្រីនៅផ្ទះរបស់គាត់ក្នុងទីក្រុងណៃពិដោ ហើយត្រូវបានឃុំខ្លួនក្នុងផ្ទះ ។  Irrawaddy មិនបានបញ្ជាក់ពីស្ថានភាពបច្ចុប្បន្នរបស់លោកស្រីទេ ។

មេដឹកនាំក្រុម NLD មួយក្រុមក៏បានធ្វើទស្សនកិច្ចនៅទីក្រុងណៃពិដោនាពេលថ្មីៗនេះសម្រាប់សម័យប្រជុំសភាលើកដំបូង អ្នកទាំងនេះក៏ត្រូវបានចាប់ខ្លួនដោយយោធា ហើយត្រូវបានឃុំខ្លួននៅក្នុងសណ្ឋាគារមួយ ។  Irrawaddy បានបង្ហោះរូបថតបង្ហាញសមាជិកសភាត្រូវបានផ្តល់អាហារ និងទឹក ។

សមាជិកសភាដែលមិនបញ្ចេញឈ្មោះម្នាក់បានប្រាប់ Irrawaddy ថា យើងនៅតែស្ងប់ស្ងាត់ យើងត្រូវបានផ្តល់ជូននូវអ្វីៗគ្រប់យ៉ាងមានហាង និងហាងកាហ្វេនៅទីនេះ ដូច្នេះយើងមិនមានការព្រួយបារម្ភអំពីកង្វះខាតអាហារទេ ប៉ុន្តែសណ្ឋាគារនេះនៅដាច់ឆ្ងាយពីពិភពលោកខាងក្រៅ ។ យើងមិនបានត្រៀមខ្លួន ប្រកាសអ្វីទាំងអស់នៅពេលនេះ ។

ពួកយោធាបាននិយាយថា ការចាប់ខ្លួននេះ គឺជាការឆ្លើយតបទៅនឹងការបោះឆ្នោត«ក្លែងបន្លំ» ដែលបានជួយឱ្យគណបក្ស NLD របស់លោកស្រី ស៊ូឃ្យី ទទួលបានជ័យជម្នះ។

កងទ័ពមីយ៉ាន់ម៉ាក៏បានដាក់ប្រទេសក្នុងគ្រាមានអាសន្នមួយឆ្នាំផងដែរ យោធានឹងកាន់កាប់ប្រទេសជាបណ្តោះអាសន្នក្នុងកំឡុងពេលនោះមុនពេលធ្វើការបោះឆ្នោត«យុត្តិធម៌» ដើម្បីសម្រេចថាតើគណបក្សមួយណានឹងដឹកនាំប្រទេស ៕

ប្រភពពី Theo Sputnik

ដោយ សុកាន