លោកស្រី ង៉ូហ្ស៊ី អ៊ីវៀឡា (Ngozi Okonjo-Iweala) មកពីប្រទេសនីហ្សេរីយ៉ាបានក្លាយជាមេដឹកនាំដំបូងនៃអង្គការពាណិជ្ជកម្មពិភពលោក ជាស្ត្រី និងជាជនជាតិស្បែកខ្មៅ ។

CBS News បានរាយការណ៍ថា លោកស្រី Okonjo-Iweala អាយុ ៦៦ ឆ្នាំ ត្រូវបានជ្រើសរើសជាអគ្គនាយកថ្មីនៃអង្គការពាណិជ្ជកម្មពិភពលោក ។ គាត់មានប្រសាសន៍ថា អាទិភាពដំបូងរបស់លោកស្រីគឺត្រូវដោះស្រាយផលវិបាកសេដ្ឋកិច្ច និងសុខភាពយ៉ាងឆាប់រហ័សនៃជំងឺរាតត្បាត Covid-19 និងបង្កើតគោលនយោបាយដើម្បីនាំសេដ្ឋកិច្ចពិភពលោកឱ្យមានជីវិតឡើងវិញ ។

លោកស្រី Okonjo-Iweala មានប្រសាសន៍ថា«អង្គការពាណិជ្ជកម្មពិភពលោក ប្រឈមមុខនឹងបញ្ហា ជាច្រើន ប៉ុន្តែនៅពេលធ្វើការជាមួយគ្នា យើងអាចធ្វើឱ្យអង្គការពាណិជ្ជកម្មពិភពលោកកាន់តែរឹងមាំហើយសម្របខ្លួនទៅនឹងភាពពិតបច្ចុប្បន្នកាន់តែប្រសើរឡើង ។

លោកស្រីបានក្លាយជាអគ្គនាយកអង្គការពាណិជ្ជកម្មពិភពលោក បន្ទាប់ពីលោកប្រធានាធិបតីអាមេរិក ចូ បៃដេន (Joe Biden) បានសម្តែងការគាំទ្រចំពោះការតែងតាំងលោកស្រីដែលអតីតប្រធានាធិបតីដូណាល់ ត្រាំ បានរារាំង ។

ការផ្លាស់ប្តូររបស់លោក បៃដេន គឺជាផ្នែកមួយនៃគោលដៅរបស់គាត់ក្នុងការគាំទ្រវិធីសាស្រ្តសហប្រតិបត្តិការសម្រាប់បញ្ហាពិភពលោក បន្ទាប់ពីយុទ្ធសាស្ត្រ «អាមេរិកដំបូង» របស់លោក ត្រាំ បានបង្កឱ្យមានជម្លោះពាណិជ្ជកម្មជាច្រើន ។

លោកស្រី Okonjo-Iweala ធ្លាប់ជារដ្ឋមន្រ្តីហិរញ្ញវត្ថុរបស់ប្រទេសនីហ្សេរីយ៉ា អតីតរដ្ឋមន្រ្តីក្រសួងការបរទេស និងមានបទពិសោធ ២៥ ឆ្នាំ ធ្វើការនៅធនាគារពិភពលោក (World Banck)។  លោកស្រីធ្លាប់កាន់តំណែងជានាយកប្រតិបត្តិលេខ ២ នៅអង្គការនេះ ដោយមានភារកិច្ចត្រួតពិនិត្យថវិកាអភិវឌ្ឍន៍ ៨១ ពាន់លានដុល្លារនៅអាហ្វ្រិកអាស៊ីខាងត្បូង អឺរ៉ុប និងអាស៊ីកណ្តាល ។

ក្នុងនាមជាប្រេសិតពិសេសរបស់សហភាពអាហ្រ្វិក ដើម្បីបញ្ចុះបញ្ចូលជំនួយហិរញ្ញវត្ថុក្នុងការប្រយុទ្ធប្រឆាំងនឹង Covid-19 លោកស្រីបានជំរុញឱ្យបណ្តាប្រទេសអ្នកមានត្រូវពន្យាrពេលរយៈពេលពីរឆ្នាំដើម្បីឱ្យបណ្តាប្រទេសដែលជំពាក់បំណុលអាចសងបំណុលការនាំចេញបន្ធូរបន្ថយទណ្ឌកម្មសេដ្ឋកិច្ចលើប្រទេសស៊ូដង់ និងហ្ស៊ីមបាវេ ដោយហេតុផលវេជ្ជសាស្ត្រ ៕

មុននោះការប្រកួតប្រជែងដើម្បីដឹកនាំអង្គការពាណិជ្ជកម្មពិភពលោកត្រូវបានគេមើលឃើញថាជាការប្រកួតប្រជែងនិងតានតឹង ។  ទោះជាយ៉ាងណា គូប្រជែងតែមួយគត់របស់លោកស្រី Okonjo-Iweala - ជាមួយបេក្ខជនកូរ៉េ Yoo Myung-hee នៅថ្ងៃទី ៥ ខែកុម្ភៈ ភ្លាមៗត្រូវបានដកខ្លួនចេញ ដែលធ្វើឱ្យ Okonjo-Iweala ក្លាយជាអគ្គនាយកអង្គការពាណិជ្ជកម្មពិភពលោក ។

បកប្រែពី Theo CBS News

ដោយ សុកាន