អត្ថបទ ពិសិទ្ធ៖
កាសែតក្នុងស្រុកបានព្យាករណ៍ថា លោក ចាស្ទីន ទ្រូដូ នឹងបានកាន់តំណែងនាយករដ្ឋមន្ត្រីកាណាដាអាណត្តិទី ៣ ក្រោយរៀបចំការបោះឆ្នោតមុនកំណត់ ។
ថ្ងៃទី២១ កញ្ញាម្សិលមិញ ទីភ្នាក់ងារព័ត៌មាន Chanelle News Asia រាយការណ៍ថា លោក ទ្រូដូ អាចកាន់តំណែងនាយករដ្ឋមន្ត្រីប្រទេសកាណាដាអាណត្តិទី ៣ បន្ត ប៉ុន្តែមិនដឹងថា ទទួលបានសំលេងក្នុងសភាច្រើនឬអត់ ។
AFP រាយការណ៍ថា លទ្ធផលបោះឆ្នោតកាលពីថ្ងៃទី ២០ កញ្ញា បានទទួលជ័យជម្នះ តែគណបក្សសេរីនិយមរបស់លោក ទ្រូដូ បានកៅអីក្នុងសភា ១៥៨ មិនមិនដល់ចំនួន ១៧០ អាសនៈដែលត្រូវការ ។
មុននេះលោក ទ្រូដូ បានប្រកាសពីការបោះឆ្នោតមុនកាលកំណត់ នៅខែសីហា ដើម្បីអាចអនុវត្តការចាក់វ៉ាក់សាំងប្រឆាំងកូវីដ-១៩ ទោះយ៉ាងណាការបោះឆ្នោតនេះអាចនឹងកើតឡើងដូចនៅឆ្នាំ ២០១៩ ទោះបីលោក ទ្រូដូ ជានាយករដ្ឋមន្ត្រីក៏ដោយ ប៉ុន្តែអាចមិនមានសំឡេងភាគច្រើននៅក្នុងសភា ។
បន្ទាប់ពីលោក ទ្រូដូ បានចេញទៅឃោសនាបោះឆ្នោតរយៈពេល ៥ សប្តាហ៍ចុងក្រោយនេះ ខណៈដែលជាប្រទេសមានអត្រាខ្ពស់បំផុតនៃការចាក់វ៉ាក់សាំងប្រឆាំងនឹងជំងឺកូវីដ-១៩ ។ ទោះយ៉ាងណាចំណាត់ថ្នាក់ប្រជាប្រិយភាពរបស់ ទ្រូដូ ត្រូវបានប៉ះពាល់ បន្ទាប់ពីមានការរាតត្បាតកូវីដ-១៩ បំប្លែងដែលតាបានរីករាលដាលយ៉ាងខ្លាំងនៅក្នុងប្រទេស និងបណ្តាលឱ្យចំនួនអ្នកឆ្លងកើនឡើងយ៉ាងគំហុក ខណៈពេលដែលវិធានការបិទទ្វារស្ទើរតែទាំងអស់ត្រូវបានដកចេញ ។
សេចក្តីរាយការណ៍ព័ត៌មានបាននិយាយថា លោក ទ្រូដូ ដែលបានធ្វើជានាយករដ្ឋមន្ត្រីកាណាដាតាំងពីឆ្នាំ ២០១៥ និងជានាយករដ្ឋមន្រ្តីមានសំឡេងភាគតិចនៅក្នុងសភាតាំងពីឆ្នាំ ២០១៩ បានសម្រេចចិត្តប្រថុយរៀបចំការបោះឆ្នោត ដោយសន្យាថា បើជាប់ឆ្នោត ហើយទទួលបានសំឡេងភាគច្រើននៅក្នុងសភា នឹងមានការគាំទ្រផ្នែកហិរញ្ញវត្ថុ ដល់បុគ្គល និងអាជីវកម្មនៅក្នុងប្រទេស រួមទាំងការចាក់វ៉ាក់សាំងលឿនជាងមុន ៕