ដោយ សាវុឌ្ឍ៖
អង្គការគ្រប់គ្រងគ្រោះមហន្តរាយដេលី (DDMA) របស់ឥណ្ឌា បានចេញបទបញ្ជាហាមឃាត់បុគ្គលិករដ្ឋាភិបាលក្នុងទីក្រុងញូវដេលី រដ្ឋធានីនៃប្រទេស ដែលមិនបានចាក់វ៉ាក់សាំងប្រឆាំងនឹងជំងឺកូរ៉ូណាថ្មី (Covid-19) មិនឲ្យចូលការិយាល័យ ចាប់ពីថ្ងៃទី ១៦ ខែតុលា ឆ្នាំ២០២១ តទៅ ។
បទបញ្ជាបញ្ជាក់ថា «បុគ្គលិកគ្រប់រូបដែលបំពេញការងាររាជការក្នុងទីក្រុងញូវដេលី រួមទាំងមន្ត្រីដឹកនាំ បុគ្គលិកពេទ្យ គ្រូបង្រៀន បុគ្គលិកក្នុងសាលា និងវិទ្យាល័យ ត្រូវទទួលវ៉ាក់សាំងយ៉ាងតិច ១ ដូសនៅថ្ងៃទី ១៥ ខែតុលា តាមការណែនាំ និងបទបញ្ជាចាក់វ៉ាក់សាំងដែលកំណត់ដោយក្រសួងសុខាភិបាលកណ្តាល» ។ ប្រសិនបើមិនបានចាក់វ៉ាក់សាំងទេនោះ ត្រូវ«លាលែងពីការងារ» រហូតទាល់តែបានទទួលការចាក់វ៉ាក់សាំងហើយ ៕