ចាប់ពីថ្ងៃទី ១៦ ខែតុលា ឆ្នាំ ២០២១ វេលាម៉ោង ៨:០០ នាទីយប់ ស្ថានភាពទឹកស្ទឹងសង្កែបានឡើងគួរឲ្យបារម្ភ រដ្ឋបាលខេត្តបាត់ដំបង បានជូនដំណឹងដល់បងប្អូនប្រជាពលរដ្ឋឲ្យមានការប្រុងប្រយ័ត្នអោយបានខ្ពស់បំផុត ។
រហូតមកដល់ថ្ងៃទី ១៧ ខែតុលា គិតត្រឹមម៉ោង ៧:០០នាទីព្រឹក កម្ពស់ទឹកស្ទឹងសង្កែក្រុងបាត់ដំបងបានស្រកបន្តិចវិញ គឺនៅត្រឹមកម្ពស់ ១៣.៩៥ម៉ែត្រ។ ប៉ុន្តែអាជ្ញាធរនៅតែឲ្យបងប្អូនប្រជាពលរដ្ឋទាំងអស់ បន្តការប្រុងប្រយ័ត្នឲ្យបានខ្ពស់ ។
មកដល់ម៉ោង ១១:៣០នាទី ថ្ងៃនេះ ១៧-១០-២០២១ ដដែល ស្ថានភាពកម្ពស់ទឹកនៅស្ទឹងសង្កែ ក្នុងក្រុងបាត់ដំបង បានថយចុះមកបន្តិចទៀតត្រឹម១៣.៥៥ ម៉ែត្រ ។ តាមប្រភពព័ត៌មានពីបងប្អូនរស់នៅក្រុងបាត់ដំបងឲ្យដឹងនៅថ្ងៃនេះថា នៅតំបន់ទាបខ្លះទឹកហៀរចូលតាមដីទំនាបផ្ទះរបស់បងប្អូន និងផ្លូវខ្លះក៏លិចខ្លះៗដែរ ដូចជាតំបន់ផ្សារបឹង ឈូកជាដើម ។
សូមជូនពរបងប្អូនប្រជាពលរដ្ឋខេត្តបាត់ដំបង ជួបសំណាងល្អ ៕
ប្រភពផេករដ្ឋបាលខេត្តបាត់ដំបង
ដោយ ម៉ារ៉ា
ផ្សារបឹងឈូក ខេត្តបាត់ដំបង