ដំណឹងកាន់តែល្អ កាន់តែមានសង្ឃឹម ! ចំនួនអ្នកឆ្លងកូវីដ-១៩នៅកម្ពុជា ថយចុះមកក្រោម ១០០ និងអ្នកស្លាប់ថយមកនៅត្រឹម ៧នាក់

ព័ត៌មានសង្គមថ្ងៃអាទិត្យ ទី31 ខែតុលា ឆ្នាំ2021 ម៉ោង 12:47 នាទី ល្ងាច

តាមតួលេខរបស់របស់ក្រសួងសុខាភិបាល គឺជាដំណឹងល្អសម្រាប់កម្ពុជា កាន់តែលតិច កាន់តែមានសង្ឃឹមក្នុងការបើកប្រទេសឡើងវិញ ដើម្បីជម្រុញវិស័យសេដ្ឋកិច្ច ទាំងសេដ្ឋកិច្ចគ្រួសារ ទាំងសេដ្ឋកិច្ចសង្គម ដែលចំនួនអ្នកឆ្លងជំងឺកូវីដ-១៩ បានថយចុះមកនៅត្រឹម ៩៥នាក់ និងអ្នកស្លាប់ចុះមកត្រឹមតែ ៧ នាក់ប៉ុណ្ណោះ ។

ក្រសួងសុខាភិបាល បានបង្ហាញនៅថ្ងៃទី ៣១ ខែតុលា ឆ្នាំ២០២១ ថា បានរកឃើញអ្នកឆ្លងជំងឺកូវីដ-១៩ថ្មី ចំនួន ៩៥ នាក់ តេស្តដោយម៉ាស៊ីន PCR និងបានព្យាបាលជាសះស្បើយចំនួន ១៩៣ នាក់ និងស្លា.ប់៧នាក់ (០៥នាក់ មិនបានចាក់វ៉ាក់សាំង)»។

ក្រសួងសុខាភិបាលថា គិតត្រឹមព្រឹកថ្ងៃទី ៣១ ខែតុលា ឆ្នាំ២០២១ នេះ កម្ពុជាបានរកឃើញអ្នកឆ្លងជំងឺកូវីដ-១៩ នៅទូទាំងប្រទេសសរុបចំនួន ១១៨.៥២២ នាក់ និងបានព្យាបាលជាសះស្បើយចំនួន ១១៤.៧២៧ នាក់ និងអ្នកស្លា.ប់មានចំនួន ២.៧៨៨ នាក់ ៕