អត្ថបទ សូរ្យសែង៖
សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍ថា អូស្ត្រាលីបានសន្យានឹងផ្តល់វ៉ាក់សាំងប្រឆាំង កូវីដ-១៩ ដល់កម្ពុជាចំនួនជាង ៣លានដូស ដើម្បីចាក់ដូសជម្រុញឲ្យប្រជាជនកម្ពុជា ។
ការសន្យានេះ ក្រោយអំឡុងពេលបំពេញទស្សនកិច្ចនៅកម្ពុជារបស់រដ្ឋមន្ត្រីការបរទេសអូស្ត្រាលី Maris Payne ដោយមានគោលដៅពង្រីកទំនាក់ទំនងទ្វេភាគី ។
ប្រទេសកម្ពុជា ជាប្រទេសមួយដែលមានអត្រាចាក់វ៉ាក់សាំងខ្ពស់ក្នុងលំដាប់ទី ៣ ក្នុង ១៨៤ ប្រទេសក្នុងពិភពលោក ដែលមានប្រជាជនសរុប ១៦ លាននាក់ ។
«រដ្ឋាភិបាលអូស្ត្រាលីបានសម្រេចរកវ៉ាក់សាំងប្រឆាំងកូវីដ១៩ ជូនកម្ពុជាចំនួន ៣.២៥០.០០០ ដូស ដោយមួយលានដូសដំបូងនឹងបញ្ជូនឲ្យនៅមុនដំណាច់ឆ្នាំនេះ» សម្តេចតេជោមនាប្រសាសន៍ ៕