កន្លែងបម្រើផ្លូវភេទ ឬបនសោភិនីដែលបើកស្របច្បាប់មួយកន្លែងនៅក្នុងទីក្រុងវៀនណា ប្រទេសអូទ្រីស និងក៏ជាកន្លែងចាក់វ៉ាក់សាំងផងដែរ បានប្រកាសមានប្រូម៉ូសិនពិសេសសម្រាប់ភ្ញៀវ ដែលចូលមកចាក់វ៉ាក់សាំងកូវីដ-១៩ នៅទីនេះ នឹងមានសិទ្ធិប្រើសេវាកម្មជាមួយនារីៗតាមចិត្ត «Free» ៣០ នាទី (Relax Sex) ។
ប្រូម៉ូសិននេះធ្វើឡើងតែថ្ងៃច័ន្ទតែប៉ុនណោះ រហូតរយៈពេលមួយខែវិច្ឆិកា ឆ្នាំ ២០២១ នេះ ដើម្បីអូសទាញប្រជាជន ពិសេសបុរសៗឲ្យមកចាក់វ៉ាក់សាំងកាន់តែច្រើនឡើងៗ ។ ក្រៅពីនេះ នៅមានប្រូម៉ូសិនមួយទៀត ដោយអ្នកដែលមកចាក់វ៉ាក់សាំងនឹងបានទទួលបានប័ណ្ណចូលក្លឹបសូណាចំនួន 40 អឺរ៉ូទៀតផង ។
កន្លែងចាក់វ៉ាក់សាំងមួយនេះ ក៏បើកឲ្យកុមារអាយុទាបជាង ១៤ ឆ្នាំចូលចាក់វ៉ាក់សាំងកូវីដ១៩បានដែរ តែត្រូវមកជាមួយមនុស្សចាស់ ចំណែកក្មេងស្រីក៏អាចចូលមកចាក់បានដូចគ្នា ។
កន្លែងបម្រើផ្លូវភេទខាងលើនេះឲ្យដឹងថា ក្រោយពីមេរោគកូវីដ១៩រាតត្បាតខ្លាំង បានធ្វើឲ្យភ្ញៀវធ្លាក់ចុះពាក់កណ្តាល ដូច្នេះហើយទើបចាប់ផ្តើមមានគំនិតខាងលើ ដើម្បីឲ្យភ្ញៀវត្រឡប់មកប្រើសេវាជាថ្មី ។
បច្ចុប្បន្នប្រជាជនអូទ្រីសដែលចាក់វ៉ាក់សាំងគ្រប់ដូសមានចំនួន ៦៤% នៃប្រជាជនទាំងអស់ អ្នកដែលមិនបានចាក់វ៉ាក់សាំង មិនអាចចូលហាងអាហារ សណ្ឋាគារ ហាងអ៊ុតសក់ ឬ ទីស្ថានដទៃទៀត ៕
ប្រភពៈ Sky News
រូបភាពៈ Fun Palast
ដោយ ចាន់ធឿន