អត្ថបទ សូរ្យសែង៖
សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានមានប្រសាសន៍ថា ចំនួនអ្នកឆ្លងកូវីដ១៩ ប្រចាំថ្ងៃនៅកម្ពុជានៅសល់តួលេខទាបបំផុតកាលពីថ្ងៃទី ១៥ ខែធ្នូ ដែលនេះជាលើកដំបូងតាំងពីមានការរាតត្បាតរលកទី ៣ ក្នុងឆ្នាំនេះមក ។
សម្តេចមានប្រសាសន៍ថា «នេះជាលើកដំបូងតាំងពីខែកុម្ភៈ ឆ្នាំ ២០២១ នេះ ដែលករណីឆ្លងថយចុះនៅសល់ត្រឹមតែ ៨ នាក់ប៉ុនណោះក្នុងមួយថ្ងៃក្រោយពីធ្វើតេស្តមក» ។
ចំនួនអ្នកឆ្លងកូវីដ១៩ បានថយចុះជាលំដាប់ តាំងពីកម្រិតខ្ពស់ ១.១៣០ នាក់ក្នុងមួយថ្ងៃនាថ្ងៃទី ៣០ ខែមីនា ឆ្នាំ ២០២១ រហូតមកដល់ ៨ នាក់ ។ ប្រជាជនកម្ពុជាប្រមាណ ៨៩% បានទទួលការចាក់វ៉ាក់សាំងការពារកូវីដ១៩ រួចរាល់ ។
ក្រសួងសុខាភិបាលកម្ពុជាបង្ហាញថា រហូតមកទល់បច្ចុប្បន្ន កម្ពុជាមានអ្នកឆ្លងសរុប ១២០.៣០ នាក់ និងមានអ្នកបាត់បង់ជីវិត ២.៩៩៥ នាក់ និងព្យាបាលជា ១១៦.៧៤៦ នាក់ នេះដោយសារប្រមុខរាជរដ្ឋាភិបាលកម្ពុជា ដំណើរការចាក់វ៉ាក់សាំងជូនប្រជាជនតាំងពីថ្ងៃទី ១០ កុម្ភៈ ឆ្នាំ ២០២១ ៕