នៅក្នុងសប្តាហ៍កន្លងទៅ នៅសហរដ្ឋអាមេរិកបានបិទសាលារៀនយ៉ាងតិច ៣.២២៩ សាលា ដោយសារមេរោគបំប្លែងថ្មីអូមីក្រុងរាលដាលកាន់តែខ្លាំង នេះបើតាមវេបសាយ Bloomberg រាយការណ៍ ។
ការបិទសាលារៀននេះបានកើនឡើង ៣ ដងចាប់តាំងពីថ្ងៃទី ១៩ ខែធ្នូ ឆ្នាំ ២០២១ មានជាអាទិ៍ អាត្លង់តា ឌីថ្រយ រហូតដល់តំបន់ព្រីនចចក្នុងរដ្ឋមែរីលេន ហើយផ្លាស់ទៅរៀនតាមអនឡាញវិញ ។
អ្នកនាំពាក្យខាងសិក្សាធិការរដ្ឋញូវជើស៊ីឲ្យដឹងថា ៣២% នៃសាលារៀនក្នុងរដ្ឋ បានរៀបចំទៅរៀននៅឆ្ងាយកាលពីដើមខែមករា ឆ្នាំ ២០២២ ដោយសារការឆ្លងក្នុងចំណោមសិស្សានុសិស្សកើនឡើងត្រឹម ៣ សប្តាហ៍ ក្នុងចំនួនសិស្ស ១០០០ នាក់មានអ្នកឆ្លង ១១ នាក់ ចំណែកបុគ្គលិករាជការធ្វើតេស្តរកឃើញវិជ្ជមានកើន ៤ ដង ។
សហរដ្ឋអាមេរិកមានអត្រាឆ្លងមេរោគកូវីដ១៩ បំប្លែងថ្មីខ្ពស់រហូតដល់ ១ លាននាក់ នៅតែមានស្ថិតិខ្ពស់ជាងគេនៅលើពិភពលោកគាលពីថ្ងៃទី ៣ ខេមករា ឆ្នាំ ២០២២ ៕
ប្រភពពី bangkok-today
By Savuth Om