អត្ថបទ សូរ្យរិទ្ធ ៖
ក្រោយលទ្ធផលប្រឡងសញ្ញាបត្រមធ្យមសិក្សាទុតិយភូមិ ឬហៅថា បាក់ឌុប បានលទ្ធផលល្អគួរជាទីរីករាយ ទាំងនិទ្ទេស A ដល់ E នៅរសៀលថ្ងៃទី ១៥ ខែមករា ឆ្នាំ ២០២២ សម្តេចតេជោ ហ៊ុន សែន នាយករដ្ឋមន្ត្រី បានអបអរសាទរ និងកោតសរសើរចៅៗដែលប្រឡងជាប់និទ្ទេស A ចំនួន ១៧៥៣នាក់ ហើយសម្តេចនឹងមានរង្វាន់លើកទឹកចិត្តចំពោះចៅៗដែល បាននីតញតេស A ដូចកាលពីឆ្នាំមុនៗ ។ ខ្លឹមសារទាំងស្រុងមានដូចខាងក្រោម ៖
សូមអបអរសាទរចំពោះចៅៗដែលបានប្រឡងជាប់មធ្យមសិក្សាទុតិយភូមិទាំងអស់នៅទូទាំងប្រទេស។ ខ្ញុំសូមកោតសរសើរចំពោះចៅៗដែលបានជាប់ចំណាត់ថ្នាក់និទ្ទេសAទាំងអស់ដែលឆ្នាំនេះមានរហូកដល់១៧៥៣នាក់ ដូចឆ្នាំមុនៗដែរលើកលែង តែឆ្នាំ២០២០ ដែលឱយជាប់ទាំងអស់គ្នាដោយគ្មាននិទេ្ទសដោយសារកូវីដ១៩។
ឆ្នាំនេះខ្ញុំនិងជួបជាមួយចៅៗដើម្បីលើកទឹកចិត្តសម្រាប់ចៅៗដែលបានខិតខំរៀនសូត្ររហូតប្រឡងជាប់និងទទួលបាននិទ្ទេសA។ ពេលវេលានិងទីកន្លែងជួបនិងជំរាបតាមក្រោយតាមរយះរដ្ឋមន្ត្រីហង្ស ជួនណារ៉ុន៕