លោក គ្រិច អឹងអិធូនសាធិត ប្រធានសភាធុរកិច្ចថៃ-មៀនម៉ា ឬ មីយ៉ាន់ម៉ា ឬហៅភូមា បានសរសេរអត្ថបទមួយមានចំណងជើងថា «បច្ច័យក្នុងការបង្កើតសន្តិភាពក្នុងមៀនម៉ា» ចុះផ្សាយក្នុងគេហទំព័រ posttoday របស់ថៃ ។ លោក លៀង សូរ្យរិទ្ធ ចាងហ្វាងសារព័ត៌មានគេហទំព័រ «មតិអ្នក» សូមបកប្រែទាំងស្រុងដូចខាងក្រោម ៖
«បន្ទាប់ពីការផ្លាស់ប្តូរការដឹកនាំក្នុងប្រទេសសមាជិកសហគមន៍អាស៊ាន ដែលបានបញ្ចប់អាណត្តិជាប្រធាន គឺសម្តេចព្រះរាជាធិបតី ហាជី ហាស្សាណាល់ បុលគីយ៉ា (Hajji Hassanal Bolkiah) នៃប្រទេសប្រ៊ុយណេ ហើយទទួលប្រធានអាណត្តិថ្មីដោយសម្តេច ហ៊ុន សែន នាយករដ្ឋមន្ត្រីនៃកម្ពុជា ត្រូវបានដឹកនាំក្នុងរបៀបវារៈនេះ ដែលបន្ទាប់ពីទទួលបានតំណែងមិនដល់កន្លះខែផង ភ្លាមៗនោះបានទៅបំពេញទស្សនកិច្ចនៅប្រទេសមីយ៉ាន់ម៉ា ដែលចាត់ទុកថាគាត់ធ្វើការដោយម៉ត់ចត់បំផុត» ។
ក្នុងដំណើរទស្សនកិច្ចលើកនេះ សម្តេច ហ៊ុន សែន បាននាំឯកឧត្តម ប្រាក់ សុខុន រដ្ឋមន្ត្រីក្រសួងការបរទេស និងសហការអន្តរជាតិ រួមដំណើរជាមួយ ។ តើអ្វីទៅជាខ្លឹមសារនៃការចរចា? ខ្ញុំនឹងមិនចាំបាច់បង្ហាញម្តងទៀតទេ ដែលគ្រប់គ្នាបានឃើញពីប្រព័ន្ធផ្សព្វផ្សាយទូទៅរួចទៅហើយ ខ្ញុំនឹងវិភាគឲ្យស៊ីជម្រៅបង្ហាញឲ្យឃើញនូវគំនិត តើវាដំណើរការយ៉ាងដូចម្តេចដើម្បីធ្វើឱ្យមានសន្តិភាពនៅមៀនម៉ាឲ្យល្អបាន ។
រឿងដំបូងដែលខ្ញុំចង់និយាយគឺសម្តេច ហ៊ុន សែន គាត់ឆ្លាតវាងវៃណាស់ក្នុងការជ្រើសរើសមនុស្ស ដែលឲ្យរដ្ឋមន្ត្រីការបរទេសកម្ពុជា ដែលមានការសិក្សាយ៉ាងល្អឥតខ្ចោះ ខាងការទូតមកពីប្រទេសបារាំង និងជាអ្នកការទូតដែលមានជំនាញខ្ពស់ ព្រោះគាត់ធ្លាប់ជាឯកអគ្គរដ្ឋទូតប្រចាំសហភាពអឺរ៉ុប ។ សម្តេច ហ៊ុន សែន ក៏បានតែងតាំងឯកឧត្តម ប្រាក់ សុខុន ជាបេសកជនពិសេសអាស៊ាន មករកវិធីចរចារឲ្យមានសន្តិភាពដល់ភូមាភ្លាមៗ ។
គេធ្លាប់ដឹងហើយថា កម្ពុជាបានឆ្លងកាត់សង្គ្រាមក្នុងស្រុក ក្នុងសម័យសង្គ្រាមស៊ីវិលដែលមានបីភាគី ដោយភាគីណាជាអ្នកឈ្នះ? អ្នកមិនចាំបាច់ទស្សន៍ទាយទេ អ្នកដឹងហើយ នោះគឺបុគ្គលដែលស្គាល់ច្បាស់បំផុតអំពីបញ្ហាចរចាសន្តិភាព គឺសម្តេច ហ៊ុន សែន ប្រហែលជាគ្មានជាតិសាសន៍ណាដែលស័ក្តិសមជាងកម្ពុជានោះទេ ម្យ៉ាងទៀតខ្ញុំជឿថា ថ្ងៃនេះគឺជារឿងដល់វេនអ្នកជិតខាងដែលក្តៅគគុកនេះម្តងហើយ ។
អ្នកណាក៏ដោយដែលមានចំណែកពាក់ព័ន្ធ មិនថាតួនាទីអ្វីនោះទេ ពួកគេសុទ្ធតែជា "ដែកក្តៅ" ទាំងអស់ ប៉ុន្តែដើម្បីនាំមកនូវសន្តិភាពនោះ ការប្រើវិធីប្រយុទ្ធគ្នានឹងមិននាំមកនូវសន្តិភាពទេ ពោលគឺបើអ្នកពិតជាចង់ឃើញសន្តិភាពកើតឡើងមែន វាចាំបាច់ណាស់ក្នុងការប្រើវិធីចរចានៅលើតុតែប៉ុណ្ណោះ ប៉ុន្តែតើអ្នកណានឹងអាចចាប់យកមនុស្សដែលមានច្រើនភាគី ដែលគ្រប់ភាគីសុទ្ធតែក្តៅរោលរាល វាគឺជារឿលំបាកណាស់ ។
ដូច្នេះដើម្បីឲ្យភាគីទាំងអស់មានភាពត្រជាក់ ត្រូវតែប្រើនយោបាយដ៏ប៉ិនប្រសព្វ ។ សម្តេច ហ៊ុន សែន បានប្រើពាក្យថា «វិធីសាស្រ្តផ្សេងគ្នា» ក្នុងការទាញយកក្រុមជម្លោះមកតុចរចានិងសំខាន់បំផុតឲ្យបាន ហើយសំខាន់បំផុតមនុស្សដែលអង្គុយនៅក្បាលតុ ត្រូវតែយល់នៅក្នុងបរិបទនៃប្រទេសភូមាគ្រប់ពេលវេលា មិនថាក្នុងអតីតកាល បច្ចុប្បន្ន និងអនាគត ។
ជាការពិតណាស់ អ្នកក៏នឹងត្រូវដឹងពីរបៀបប្រើប្រាស់ភាពស្និទ្ធស្នាលផ្ទាល់ខ្លួន ដែលខ្លួនឯងនៅជាមួយភាគីដែលមានកម្លាំងខ្លាំងជាងនិងឈរលើមូលដ្ឋាននៃការគោរពដល់ភាគីទាំងអស់ដែលចូលរួមលើតុចរចា ហើយយល់ច្បាស់អំពីបញ្ហា ។
វាច្បាស់ណាស់ថា ការជឿទុកចិត្តរបស់អ្នកចូលរួមចរចាក៏ជាបច្ច័យសំខាន់ដូចគ្នា ។ ដូច្នេះការតែងតាំងឯកអគ្គរដ្ឋទូតពិសេសនេះ ខ្ញុំពិតជាជឿជាក់ថា ជាការតែងតាំងដ៏ត្រឹមត្រូវ ប្រសិនបើបច្ច័យផ្សេងៗទាំងអម្បាលមាណខាងលើ មិនទាន់បានជ្រាបចូលទេ វាពិបាកក្នុងការទទួលបានជោគជ័យ។
ក្នុងស្ថានកាណ៍បច្ចុប្បន្ននេះ ប្រជាជនភូមាទាំងអស់ មិនថាភាគីខាងណាទេ ត្រូវតែយល់ពីកត្តាដែលអាចបង្កឱ្យមានសង្រ្គាមស៊ីវិល តើមានហេតុផលអ្វីខ្លះ? ជាងនេះទៅទៀត បើមានសង្គ្រាមស៊ីវិលពិតប្រាកដ តើប្រជាជនភូមានឹងរងផលប៉ះពាល់យ៉ាងណា?
នេះជាសំណួរដែលខ្ញុំមិនជឿ មិនមែនប្រជាជនភូមាទាំងអស់មិនដឹងនោះទេ ព្រោះគ្រប់គ្នាធ្លាប់បានឃើញសង្គ្រាមស៊ីវិលដែលបានកើតឡើងក្នុងទសវត្សរ៍កន្លងមកហើយ ។ ចម្លើយបានបង្ហាញយ៉ាងច្បាស់ថា ប្រសិនមិនដឹង ខ្ញុំអាចប្រាប់អ្នកបាន! ដោយយកសំណួរចុងក្រោយមកឆ្លើយនោះថា ក្រុមដែលឈឺចាប់បំផុតគឺ «ប្រជាជន» ។ អ្នកខ្លះប្រហែលជានិយាយថា «អ្នកចាញ់» គឺជាអ្នកដែលរងទុក្ខ និងឈឺចាប់បំផុត... ខ្ញុំនឹងប្រកែកថា «មិនមែនទេ» ទោះបីជាអ្នកចាញ់ម្នាក់ៗអាចត្រូវបានចាប់ខ្លួន និងជាប់ពន្ធនាគារ ឬការបាត់បង់ជីវិតក៏ដោយ ប៉ុន្តែអ្នកដែលត្រូវមានទោសជាប់ពន្ធនាគារក៏ត្រូវមានថ្ងៃដោះលែងមកវិញ, អ្នករបួសក៏ត្រូវបានព្យាបាលជាសះស្បើយ ចំណែកអ្នកដែលបានស្លាប់ទៅ ក៏មិនបានដឹងរឿងរ៉ាវអ្វីទាំងនោះដែរ ប៉ុន្តែអស់អ្នកដែលបាននិយាយ គាត់មានសង្ឃឹមឈ្នះ ប្រទេសភូមាឈ្នះ ថែមទាំងសមនឹងទទួលបានអ្វីដែលនឹងកើតឡើងនាពេលខាងមុខ ។
ប៉ុន្តែប្រជាជនទូទៅ គាត់ក៏មិនមានចំណែកអ្វីពាក់ព័ន្ធនឹងសកម្មភាពនោះទេ ប៉ុន្តែគាត់ត្រូវរងនូវផលវិបាកដែលអ្នកដទៃបានបង្ក លទ្ធផលបានមកគឺការអត់ឃ្លាន មាត់ស្ងួត ពីគ្រោះថ្នាក់ដែលកើតចេញពីវិបត្តិសេដ្ឋកិច្ច ពីភាពក្រីក្ររបស់ប្រទេស ពីការបាត់បង់មនុស្សជាទីស្រលាញ់ ពីរបួសទាំងផ្លូវកាយ និងផ្លូវចិត្ត ៕