«គូព្រេង មិនព្រាត់» ជារឿងប្រលោមលោក ស្នាដៃនិពន្ធដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដែលមាន ៣ ភាសា គឺភាសាខ្មែរ ចិន និង អង់គ្លេស ។ ថ្ងៃនេះ (២៦ មករា ២០២២) សម្តេចបានសរសេរនៅលើផេកហ្វេសប៊ុករបស់សម្តេច ដែលមានខ្លឹមសារទាំងស្រុងដូចខាងក្រោម ៖
«កន្លងមកខ្ញុំបានសរសេរសៀវភៅមួយមានចំណងជើងថា(គូព្រេងមិនព្រាត់)ដែលបានបោះពុម្ពជា៣ភាសាមានខ្មែរអង់គ្លេស និងចិន ។
សម្រាប់ការបោះពុម្ពជាភាសាចិនគឺរ៉ាប់រងដោយសមាគមសម្ព័ន្ធខ្មែរចិននៅកម្ពុជា ទាំងការបកប្រែ ទាំងការបោះពុម្ព ។ ជាការគួរឱ្យភ្ញាក់ផ្អើលនិងសូមកោតសរសើរ ដែលសៀវភៅភាសាចិនត្រូវបានដាក់លក់បាន ១.៥០០ ច្បាប់ក្នុងរយៈពេលដ៏ខ្លីដែលបានចំណូល 7,500 ដុល្លារ ដែលក្នុងមួយច្បាប់តម្លៃ 5 ដុល្លារ។
សូមអរគុណលោក ពុង ខៀវសែ និងសមាគមដែលបានជួយចាត់ចែងលើការងារនេះហើយខ្ញុំនឹងប្រើថវិកានេះសម្រាប់សាងសង់ផ្ទះជូនអតីតយុទ្ធជន» ៕