អត្ថបទ ម៉ារ៉ា៖
នៅថ្ងៃទី ២៩ ខែមករា កាសែត Reuters បានរាយការណ៍ថា ប្រទេសកម្ពុជាក្នុងនាមជាប្រធានរបស់ខ្លួននៅឆ្នាំនេះបាននិយាយថា រដ្ឋមន្ត្រីការបរទេសអាស៊ាននឹងជួបប្រជុំនៅខែក្រោយដើម្បីពិភាក្សាអំពីជំនួយមនុស្សធម៌ដល់មីយ៉ាន់ម៉ា ។
លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសកម្ពុជាបានមានប្រសាសន៍ថា រដ្ឋមន្ត្រីការបរទេសកម្ពុជា និងទូតពិសេសអាស៊ាន កំពុងត្រៀមអញ្ជើញទៅប្រទេសមីយ៉ាន់ម៉ាជាលើកដំបូងរសប់ខ្លួន ហើយថាអាទិភាពទីមួយរបស់គាត់គឺការនាំយកការយល់ស្របទាំង ៥ ចំណុចរបស់អាស៊ានដែលបានព្រមព្រៀងគ្នា និងមានការពិភាក្សា ក្នុងចន្លោះកិច្ចប្រជុំរដ្ឋមន្ត្រីការបរទេសអាស៊ានក្រៅផ្លូវការដែលនឹងប្រព្រឹត្តទៅនៅថ្ងៃទី ១៦-១៧ ខែកុម្ភៈ ឆ្នាំ ២០២២ ខាងមុខនេះ។
កម្ពុជាបានលាតត្រដាងពីមុនមកថា កិច្ចប្រជុំលើកដំបូងរបស់រដ្ឋមន្ត្រីការបរទេសអាស៊ាន ចាប់តាំងពីកម្ពុជាចូលកាន់តំណែងជាប្រធានប្តូរវេនអាស៊ាននៅឆ្នាំនេះ ត្រូវបានពន្យារពេល ដោយសាររដ្ឋមន្ត្រីខ្លះបានសម្ដែងការលំបាកក្នុងការចូលរួមកិច្ចប្រជុំក្នុងពេលនោះ។
ខណៈដែលកិច្ចប្រជុំកំពូលមេដឹកនាំអាស៊ានកាលពីចុងឆ្នាំកន្លងមក ការផ្លាស់ប្តូរនេះបានកើតឡើងជាការភ្ញាក់ផ្អើលនៅពេលដែលមេដឹកនាំរបបយោធាជាន់ខ្ពស់ មីន អងឡាយ (Min Aung Hlaing) មិនត្រូវបានអញ្ជើញឱ្យចូលរួមក្នុងកិច្ចពិភាក្សា ដោយហេតុផលថា រដ្ឋាភិបាលយោធាមីយ៉ាន់ម៉ា មិនបានធ្វើអ្វីឲ្យរីកចម្រើនលើការឯកភាពគ្នាទាំង៥ ចំណុច ដែលមេដឹកនាំអាស៊ាន រួមទាំង ឧត្តមសេនីយ៍ មីន អងឡាយ ផង បានឈានដល់ការឯកភាពគ្នាកាលពីខែមេសាឆ្នាំមុន ដើម្បីបញ្ចប់វិបត្តិជម្លោះហិង្សានៅមីយ៉ាន់ម៉ា ក្រោយរដ្ឋប្រហារ ៕