មីយ៉ាន់ម៉ាច្រានចោលសំណើជួបរដ្ឋាភិបាលស្រមោលរបស់លោកស្រី អ៊ុង សាន ស៊ូឃ្យី
អត្ថបទ សូរ្យសែង៖
កាសែត«ថៃរ៉ាត់»របស់ថៃផ្សាយ កាលពីថ្ងៃម្សិលមិញ (២១ ខែកុម្ភៈ) រដ្ឋាភិបាលយោធាមីយ៉ាន់ម៉ា បានបានច្រាន ចោលសំណើរបស់រដ្ឋមន្ត្រីការបរទេសកម្ពុជា លោក ប្រាក់ សុខុន និងបេសកជនពិសេសអាស៊ានថ្មីសម្រាប់កិច្ចប្រជុំជាមួយរដ្ឋាភិបាលឯកភាពជាតិ ឬរដ្ឋាភិបាលស្រមោលនៃប្រទេសមីយ៉ាន់ម៉ា ដែលត្រូវបានបង្កើតឡើងដោយក្រុមប្រឆាំង រួមទាំងលោកស្រី អ៊ុង សានស៊ូឃ្យី អតីតមេដឹកនាំរដ្ឋាភិបាលស៊ីវិលមីយ៉ាន់ម៉ាផង ។
នៅក្នុងសេចក្តីថ្លែងការណ៍ដំបូងរបស់រដ្ឋាភិបាលមីយ៉ាន់ម៉ា បន្ទាប់ពីកិច្ចប្រជុំរដ្ឋមន្ត្រីការបរទេសអាស៊ានដែលធ្វើឡើងនៅទីក្រុងភ្នំពេញ ប្រទេសកម្ពុជាកាលពីសប្តាហ៍មុនបានបញ្ជាក់ថា រដ្ឋាភិបាលមីយ៉ាន់ម៉ាមិនយល់ព្រមលើផ្នែកការទូតដែលពាក់ព័ន្ធនឹងសមាគមខុសច្បាប់ និងក្រុមភេរវជនដែលប្រព្រឹត្តអំពើហិង្សានោះទេ សំណើបែបនេះមិនត្រឹមតែផ្ទុយនឹងគោលការណ៍នៃធម្មនុញ្ញអាស៊ានប៉ុណ្ណោះទេ តែនៅបានធ្វើឲ្យខូចដល់កិច្ចខិតខំប្រឹងប្រែងប្រឆាំងអំពើភេរវកម្មរបស់អាស៊ានទៀតផង បន្ទាប់ពីឥណ្ឌូណេស៊ីបានរំលឹកឡើងវិញថា ប្រេសិតពិសេសអាស៊ានគួរតែមានកិច្ចពិភាក្សាជាមួយគ្រប់ភាគី ដូចជាការអំពាវនាវរបស់ម៉ាឡេស៊ីឱ្យចរចាជាមួយរដ្ឋាភិបាលឯកភាពជាតិ ៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម