តើលោក បៃដេន អញ្ជើញមេដឹកនាំអាស៊ានទាំង ១០ មាន មីង អងឡាយ ឬអត់?

នយោបាយថ្ងៃព្រហស្បត្តិ៍ ទី03 ខែមិីនា ឆ្នាំ2022 ម៉ោង 1:39 នាទី ល្ងាច

នៅថ្ងៃទី ២៨-២៩ មីនា ២០២២ ខាងមុខនេះ សហរដ្ឋអាមេរិកម្ចាស់កិច្ចប្រជុំកំពូល នឹងអញ្ជើញមេដឹកនាំអាស៊ានទៅទីក្រុងវ័រស៊ីងតុន ដើម្បីចូលរួមកិច្ចប្រជុំកំពូលសហរដ្ឋអាមេរិក-អាស៊ាន និងដើម្បីប្រារព្ធខួប ៤៥ ឆ្នាំ ការស្ថាបនាសម្ព័ន្ធភាពជាផ្លូវការរវាងសហរដ្ឋអាមេរិក និងអាស៊ាន ផងដែរ ។

តើមេដឹកនាំអាស៊ានទាំង ១០ លោក បៃដេន អញ្ជើញមេដឹកនាំភូមាមកឬអត់?

ក្រសួងការបរទេសសហរដ្ឋអាមេរិកនិយាយថា រឿងអញ្ជើញមេដឹកនាំភូមា រដ្ឋាភិបាលក្រុងវ័រស៊ីងតុន នឹងអញ្ជើញ «តំណាងដែលមិនមែនមកពីភាគីនយោបាយ» ឲ្យចូលរួមជំនួសរដ្ឋាភិបាលយោធាភូមាក្នុងកិច្ចប្រជុំកំពូលនោះ ប៉ុន្តែមិនទាន់ដឹងច្បាស់ថា ជានរណា ។

វិធីសាស្រ្តរបស់សហរដ្ឋអាមេរិក គឺស្របនឹងជំហររបស់អាស៊ាន ដែលបានកើតឡើងតាំងពីប៊្រុយណេធ្វើជាម្ចាស់ផ្ទះកាលពីឆ្នាំមុន បន្តរហូតដល់ប្រទេសកម្ពុជា ដែលបានធ្វើជាប្រធានប្តូរវេននៅឆ្នាំនេះ ពោលគឺគ្មានតំណាងរដ្ឋាភិបាលយោធាមីយ៉ាន់ម៉ាបានចូលរួមទេ ដោយឆ្នាំមុន រដ្ឋាភិបាលប្រ៊ុយណេបានអញ្ជើញលោក សាន អា (Shan A) លេខាធិការអចិន្ត្រៃយ៍នៃក្រសួងការបរទេសមីយ៉ាន់ម៉ា ដើម្បីចូលរួមជា «តំណាងដែលមិនមែនមកពីគណបក្សនយោបាយ» ប៉ុន្តែនៅទីបំផុត គ្មានតំណាងមកពីមីយ៉ាន់ម៉ាបានចូលរួមកិច្ចប្រជុំនោះដដែល ។

រដ្ឋាភិបាលយោធាមីយ៉ាន់ម៉ាអះអាងដូច្នេះថា ការណ៍នេះអាចប៉ះពាល់ដល់មុខមាត់ និងអធិបតេយ្យភាពរបស់មីយ៉ាន់ម៉ា ដោយសារប្រទេសម្ចាស់ផ្ទះរំលោភធម្មនុញ្ញអាស៊ាន និងគោលការណ៍មូលដ្ឋានពាក់ព័ន្ធ ដោយមិនអញ្ជើញឧត្តមសេនីយ៍ មីន អងឡាយ (Min Aung Hlaing) ដោយផ្ទាល់ ៕