អត្ថបទ សូរ្យរិទ្ធ៖
ប្រធានាធិបតីសហរដ្ឋអាមេរិក បានអញ្ជើញសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជា ណាចក្រកម្ពុជា តាមរយៈសារលិខិត មកចូលរួមក្នុងកិច្ចប្រជុំដ៏សំខាន់អាស៊ាន-សហរដ្ឋអាមេរិក នៅថ្ងៃទី ១២-១៣ ខែឧសភា ឆ្នាំ ២០២២ នៅរដ្ឋធានីវ័រស៊ីងតុន សហរដ្ឋអាមេរិក ។
ក្នុងខ្លឹមសារលិខិត មិនត្រឹមតែការអញ្ចើញសម្តេចតេជោប៉ុនណោះទេ គឺថែមទាំងបានលើកយកការរឹតចំណងមិត្តភាពឲ្យកាន់តែ«ស៊ីជម្រៅ»ថែមទៀត រវាងប្រជាជនទាំងពីរទៀតផង ហើយនៅក្នុងកិច្ចប្រជុំកំពូលនោះ នឹងមានប្រារព្ធពិធីខួបអនុស្សាវរីយលើកទី ៤៥ នៃភាពជាដៃគូយូរអង្វែង និងលើកឡើងពីមហិច្ឆតារួម សម្រាប់សករាជថ្មីនៃទំនាក់ទំនងដៃគូសន្ទនាអាស៊ាន-សហរដ្ឋអាមេរិក ។
ចុងក្រោយ លោក ចូ បៃដេន បានមានប្រសាសន៍ថា «ខ្ញុំនឹងរង់ចាំជួប សម្តេចតេជោ នាយករដ្ឋមន្ត្រី និងថ្នាក់ដឹកនាំអាស៊ានដទៃទៀតនៅសេតវិមាន ។
សម្តេចតេជោ ហ៊ុន សែន ក៏បានផ្ញើសារតបទៅលោកិ ចូ បៃដេន វិញដោយរីករាយ ក្នុងការអញ្ជើញទៅចូលរួមកិច្ចប្រជុំកំពូលអាស៊ាន-សហរដ្ឋអាមេរិក នាពេលខាងមុខនេះ ។
ខ្លឹមសារទាំងស្រុង មាននៅខាងក្រោម ៖