ដោយ សូរ្យសែង៖
លោក Hans-Georg Maassen អតីតនាយកសន្តិសុខប្រទេសអាល្លឺម៉ង់បានព្រមានថា ប្រសិនអាល្លឺម៉ង់បញ្ជូនសព្វាវុធទៅជួយអ៊ុយក្រែន អាចនឹងធ្លាក់ទៅក្នុងសង្គ្រាមជាមួយរុស្ស៊ី ។
លោក Massen បាននិយាយថា គាត់ប្រឆាំងនឹងការបញ្ជូនអាវុធរបស់អាល្លឺម៉ង់ទៅកាន់អ៊ុយក្រែន ដោយ យោងទៅលើសេចក្តីសម្រេចមុនរបស់តុលាការយុត្តិធម៌អន្តរជាតិ ។ លោកថា នៅពេលដែលយើងបញ្ជូនអាវុធ មិនមែនមួកការពារគ្រាប់កាំភ្លើង មិនមែនបង់រុំរបួសទេ វាមានន័យថាយើងកំពុងទទួលយកហានិភ័យដោយស្វ័យប្រវត្តិ ។
លោកនិយាយទៀតថា លោក ពូទីន បានធ្វើឱ្យប្រសើរឡើងយ៉ាងខ្លាំងនូវកងទ័ពរុស្ស៊ីក្នុងរយៈពេល ២០ ឆ្នាំចុងក្រោយនេះ ដែលពិតជាធ្វើឱ្យអាល្លឺម៉ង់ព្រួយបារម្ភ «សំណួរតែមួយគត់គឺ តើការព្រួយបារម្ភនោះសមហេតុផលប៉ុណ្ណា?» ។
លោក Massen បានព្រមានថា ក្នុងការប្រគល់អាវុធឲ្យអ៊ុយក្រែន បើគ្មានគោលដៅច្បាស់លាស់ទេ អាល្លឺម៉ង់អាចជាគោលដៅនៃការវាយប្រហាររបស់រុស្ស៊ី ។
«ខ្ញុំយល់ឃើញថា អាវុធមិនគួរត្រូវបានបញ្ជូនទៅអ៊ុយក្រែនទេ វាស្មើនឹងគូសង្គ្រាម ធ្វើឱ្យយើងក្លាយជាគោលដៅនៃការវាយប្រហាររបស់រុស្ស៊ី ហើយនោះមានន័យថា ប្រទេសអាល្លឺម៉ង់នឹងត្រូវបានអូសទាញចូលទៅក្នុងភ្នក់ភ្លើងសង្រ្គាម ។ ការយកចិត្តទុកដាក់របស់លោកពូទីនចំពោះសង្គ្រាមនៅអ៊ុយក្រែន គឺសំដៅលើជនជាតិអាមេរិក ។ ជាការពិត ពួកគេក៏មានគោលបំណងធ្វើសង្គ្រាមទេ នោះហើយជាមូលហេតុដែលពួកគេផ្តល់ការគាំទ្រយ៉ាងខ្លាំងដល់អ៊ុយក្រែន ហើយតើយើងមានគោលបំណងអ្វីដែរដើម្បីធ្វើសង្គ្រាម?!?» ។
ប្រធានស៊ើបការណ៍ Bundesnachrichtendienstes) ដែលគាត់បាននិយាយនៅដើមដំបូងថា យើងពិតជាអាចស្ថិតនៅក្នុងកម្រិតនៃសង្គ្រាមលោកលើកទី ៣ ព្រោះបើលោក ពូទីន យល់ឃើញថានឹងចាញ់សមរភូមិអ៊ុយក្រែន នុះ សង្រ្គាមក៏អាចនឹងអូសបន្លាយដល់ទឹកដីរុស្ស៊ី បើណាតូបញ្ជូនទ័ពទៅចូលរួម កម្រិតកម្ពស់ចុងក្រោយនឹងមកដល់ ហើយកម្រិតចុងក្រោយនៃការកើនកម្តៅ គឺការប្រើប្រាស់អាវុធនុយក្លេអ៊ែរ ។ យើងនិយាយថា ឈរនៅលើកម្រិតនៃសង្គ្រាមលោកលើកទី ៣ ហើយឥឡូវនេះពាក្យគន្លឹះគឺការរំដោះអាវុធនុយក្លេអ៊ែរ ៕