admin :សូរ្យរិទ្ធ៖
ប្រទេសកម្ពុជា ក្នុងឋានៈជាប្រធានអាស៊ានឆ្នាំនេះ បានចេញសេចក្តីថ្លែងការណ៍រិះគន់ និងរន្ធត់សោកសៅ ចំពោះរដ្ឋាភិបាលមីយ៉ាន់ម៉ា ដែលប្រហារជីវិតសកម្មជននយោបាយ ៤ រូប ថានេះជាសកម្មភាពមិនគាំទ្រសន្តិភាព កើតឡើងដដែលៗត្រឹមតែមួយសប្តាហ៍មុនកិច្ចប្រជុំរដ្ឋមន្ត្រីអាស៊ាន ។
ក្នុងសេចក្តីថ្លែងការណ៍បានបញ្ជាក់ថា គ្រាបែបនេះគឺជាអ្វីដែល «គួរឱ្យស្អប់ខ្ពើមខ្លាំងណាស់» និងជាទង្វើបង្ហាញថា គ្មានឆន្ទៈក្នុងការប្រឹងប្រែងរកសន្តិភាពក្នុងប្រទេស ។
«ឋានៈជាប្រធានអាស៊ាន ខ្ញុំមានអារម្មណ៍សោកស្ដាយ និងព្រួយបារម្ភយ៉ាងខ្លាំងចំពោះការប្រហារជីវិត វាជាការបរាជ័យ ព្រោះវាជាការបញ្ជាមួយសប្តាហ៍មុនកិច្ចប្រជុំរដ្ឋមន្ត្រីអាស៊ាន ។
កាសែត មតិឈុនរបសថៃ បានចេញផ្សាយថា កម្ពុជាបានចេញសេចក្តីថ្លែងការណ៍ស្តីពីការសម្លាប់សកម្មជននយោបាយចំនួន ៤ នាក់នៅមីយ៉ាន់ម៉ាកាលពីថ្ងៃទី ២៥ ខែកក្កដា ដោយលើកឡើងថា អាស៊ានមានទុក្ខ និងសោកស្ដាយជាខ្លាំងចំពោះការប្រហារជីវិតលោក ភាវ សេយ៉ា, ច មីនយូ, លោក ឡា មីអង (Hla Myo Aung) និងលោក អង ធូរ៉ា ស (Aung Thura Zaw) ។
បើទោះជាសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អំពាវនាវដោយសួនតួ ក្នុងឋានៈជាប្រធានអាស៊ាន រួមទាំងបណ្តឹងឧទ្ធរណ៍ឲ្យមានការពិចារណាសម្រាប់ការកាត់ទោសថ្មី ព្រោះនេះជាបញ្ហាសំខាន់ដែលអាស៊ានត្រូវយកចិត្តទុកដាក់ ។
ខណៈពេលដែលភាពស្មុគស្មាញនៃវិបត្តិមីយ៉ាន់ម៉ាត្រូវបានគេដឹងយ៉ាងច្បាស់ និងមានអារម្មណ៍ក្តៅគគុកនៅគ្រប់ជ្រុងនៃប្រទេសមីយ៉ាន់ម៉ា ដូច្នេះអាស៊ានទាំងអស់អំពាវនាវឱ្យមានការអត់ធ្មត់ជាទីបំផុត ហើយព្យាយាមចៀសវាងមិនឲ្យស្ថានការណ៍កាន់តែធ្ងន់ធ្ងរបន្តទៅទៀត ។
ការអនុវត្តទោសប្រហារជីវិត មួយសប្តាហ៍មុនកិច្ចប្រជុំរដ្ឋមន្ត្រីការបរទេសអាស៊ានលើកទី ៥៥ ជាអ្វីដែលមានមានការ រិះគន់យ៉ាងខ្លាំង ព្រោះវាបង្កើតឱ្យមានការបរាជ័យ និងបង្ហាញពីភាពខ្វះសុឆន្ទៈក្នុងការគាំទ្រការខិតខំ ជាពិសេសរបស់ប្រធានអាស៊ាន ក្នុងការពន្លឿនការអនុវត្តការឯកភាពគ្នាចំនួនប្រាំ ប្រការ ការកសាងទំនុកចិត្ត និងធានាការសន្ទនារវាងភាគីពាក់ព័ន្ធទាំងអស់ ដើម្បីបញ្ចប់អំពើហិង្សា និងកាត់បន្ថយទុក្ខលំបាករបស់ប្រជាពលរដ្ឋស្លូតត្រង់ ។
យើងអំពាវនាវយ៉ាងទទូច និងជាបន្ទាន់ដល់ភាគីពាក់ព័ន្ធទាំងអស់ ឱ្យបញ្ឈប់សកម្មភាពណាមួយដែលនឹងធ្វើឱ្យវិបត្តិកាន់តែធ្ងន់ធ្ងរឡើង ការរារាំងការចរចាសន្តិភាពរវាងគ្រប់ភាគី និងសកម្មភាពណាដែលធ្វើឱ្យប៉ះពាល់ដល់សន្តិភាព សន្តិសុខ និងស្ថិរភាព មិនត្រឹមតែក្នុងប្រទេសមីយ៉ាន់ម៉ានោះទេ ប៉ុន្តែក្នុងតំបន់ទាំងមូលផងដែរ ។
អនុលោមតាមមតិឯកភាពទាំង៥ និងធម្មនុញ្ញអាស៊ាន នេះជាតម្រូវការបន្ទាន់ ដើម្បីការពារការបាត់បង់អាយុជីវិត និងបញ្ចប់ទុក្ខលំបាករបស់ប្រជាជនមីយ៉ាន់ម៉ា ៕