អត្ថបទ សូរ្យរិទ្ធ ៖
សម្រែកសូរសៀងដ៏ពីរោះពីគ្រួសារស្វាជិតផុតពូជ បានបន្លឺឡើងតាមព្រៃក្បែរប្រាសាទអង្គរវត្តរបស់កម្ពុជា វាជាសញ្ញានៃការស្តារប្រព័ន្ធអេកូឡូស៊ីឡើងវិញ បន្ទាប់ពីមានការបរបាញ់សត្វព្រៃនៅតំបន់នោះ ។
សត្វទោចកម្រមួយគូដំបូងត្រូវបានគេលែងឱ្យចូលព្រៃក្នុងឆ្នាំ២០១៣ ដែលជាផ្នែកនៃកម្មវិធីរួមគ្នារវាងអង្គការអភិរក្សសត្វព្រៃ Wildlife Alliance និងអាជ្ញធរអប្សរា ។ គូស្នេហ៍មួយគូនេះ មានឈ្មោះថា បារាយណ៍ និងស្រានីក កើតមកពីមេបាវា ដែលត្រូវបានជួយសង្គ្រោះពីការជួញដូរសត្វព្រៃ វាជាប្រភេទសត្វជិតផុតពូជ ។
«រហូតមកដល់ពេលនេះ យើងបានព្រលែងសត្វទោចទៅក្នុងព្រៃព្រឹក្សាបរិវេណប្រាសាទអង្គរ ៤ គូ ពួកវាបានបន្តពូជ ដែលពេលនេះបានកូន ៧ ក្បាលហើយ» លោក និកម៉ាកស៍ ប្រធានគម្រោងជួយថែរក្សាសត្វព្រៃរបស់អង្គការ Wildlife Alliance បាននិយាយប្រាប់ទីភ្នាក់ងារ AFP ។ «យើងកំពុងស្តារមរតកធម្មជាតិរបស់កម្ពុជា ឲ្យក្លាយជាមរតកវប្បធម៌ដ៏ស្រស់ស្អាតរបស់ពួកគាត់» ។
លោក ម៉ាកស៍ ប្រាប់ថា ក្រុមរបស់គាត់បានជួយសត្វព្រៃប្រមាណ ២.០០០ ក្បាលក្នុងមួយឆ្នាំ ហើយមិនយូរ ព្រៃនៅបរិវេណអង្គរវត្តជាផ្ទះដ៏សុខសានរបស់ពួកវា ។
អាជ្ញាធរកម្ពុជាបានសរសើរពីការកើនឡើងនៃចំនួនសត្វទោចនៅក្នុងព្រៃ ដែលបានចាប់ផ្តើមតាំងពីឆ្នាំ 2014 ។ មន្ត្រីអាជ្ញាធរអប្សរាបាននិយាយថា៖ «នេះជាសមិទ្ធផលដ៏ធំមួយសម្រាប់គម្រោងរបស់យើង ឥឡូវនេះភ្ញៀវទេសចរនៅអាចឃើញសត្វស្លាបកាហ័ង ហើរពីលើប្រាសាទអង្គរវត្តផងដែរ ។ គម្រោងការរបស់ពួកយើង នឹងព្រលែងសត្វស្លាបផ្សេងៗជាង ៤០ ក្បាល រួមមានសត្វក្តាន់ ឆ្មាទឹក ស្នែងថ្គាមដំរី និងក្ងោក ។ល។ សត្វខ្លះត្រូវបានជួយសង្គ្រោះពីការលបលួចប្រមាញ់ និងបានពីការបរិច្ចាគពីតំបន់អភិរក្សសត្វភ្នំតាម៉ៅផងដែរ ។
ការប្រទះឃើញសត្វព្រៃនៅក្នុងព្រៃបរិវេណប្រាសាទអង្គរវត្ត ជាក្តីសង្ឃឹមការទាក់ទាញភ្ញៀវទេសចរជាតិ អន្តរជាតិបន្ថែមទៀត រួមទាំងលើកកម្ពស់ការរៀនអភរិក្សសត្វ ។
នេះបើតាមអ្នកនាំពាក្យក្រសួងបរិស្ថាន អន្ទាក់សត្វជាង ៦១.០០ ត្រូវបានរកឃើញកាលពីឆ្នាំមុន ហើយរដ្ឋាភិបាលបានបើកយុទ្ធនាការមួយដើម្បីបញ្ចប់ការបរបាញ់ និងការបរិភោគសាច់សត្វ ៕