ពី naewna, mgronline, matichun
ដោយ សាវុឌ្ឍ៖
នៅថ្ងៃទី 17 ខែសីហា ឆ្នាំ 2022 មានហេតុការណ៍បំផ្ទុះគ្រាប់បែកចំនួន ៣ ខេត្ត នៅភាគខាងត្បូងប្រទេសថៃ មាន ខេត្តយៈឡា ប៉ាតានី និង ណារ៉ាធីវ៉ាត់ ។ គេបានរកឃើញដំបូងនូវទីតាំងចំនួន ១១ ចំណុច ដែលមានអ្នករងរបួស ៣ នាក់ បុគ្គលិកហាង ភ្ញៀវ និងកម្មករភូមា ។ ការស៊ើបអង្កេតបឋម គឺមានជនសង្ស័យជិះម៉ូតូ ២ គ្រឿង រួចបានគប់គ្រាប់បែកភ្លើងមកលើតែម្តងផ្សារ ស្ថានីយប្រេង បណ្តាលឲ្យរាលឆេះទាំងរាត្រី ។
ចំណុចផ្ទុះទាំង ១១ កន្លែង មាននៅខេត្តយៈឡា ៤ ចំណុច, ខេត្តណារ៉ាធីវ៉ាត ៥ ចំណុច និងខេត្តប៉ាថានី ២ កន្លែង ។
កន្លងមក មកទល់បច្ចុប្បន្ន ខេត្តភាគខាងត្បូងប្រទេសថៃ មិនសូវជាមានសន្តិសុខប៉ុន្មានទេ ក្រុមឧទ្ទាមអីស្លាមភាគខាងត្បូង តែងបង្កអសន្តិសុខ ដែលកំពុងបន្តគ្របដណ្តប់ដោយការតស៊ូប្រដាប់អាវុធរបស់ក្រុមឧទ្ទាមអ្នកទាមទារផ្តាច់ទឹកដីនិយម ។
១៦ឆ្នាំមកហើយ ពោលតាំងពីឆ្នាំ ២០០៤ មកម្ល៉េះដែលរដ្ឋាភិបាលក្រុងបាងកក និងក្រុមឧទ្ទាមអ្នកទាមទារផ្តាច់ទឹកដីនិយមនៅតំបន់ប៉ែកខាងត្បូងបានប្រឈមមុខដាក់គ្នាផ្លូវអាវុធយ៉ាងហិង្សា ។ ជម្លោះមួយនេះបានបណ្តាលឲ្យមានមនុស្សស្លាប់យ៉ាងតិច ៧ ០០០នាក់ទេ ដែលភាគច្រើនជាជនស៊ីវិលស្លូតត្រង់ ៕