អត្ថ សូរ្យសែង៖
បរិយាកាសនៅទីលានទល់មុខសាលាក្រុងបាងកកថ្ងៃនេះ មានការរៀបចំសកម្មភាពរបស់ក្រុមចម្រុះប្រជាជន ដឹកនាំដោយលោក ចតុផន ព្រំផាន់ ប្រធានរណសិរ្សរួបរួមដើម្បីប្រជាធិបតេយ្យប្រឆាំងរបបផ្តាច់ការ និងលោក និតិថន ឡាំលឿ បានរៀបចំការជួបជុំដើម្បីបណ្ដេញលោកនាយករដ្ឋមន្ត្រី ប្រាយុទ្ធ ចាន់អូឆា ចាប់ពីថ្ងៃទី ២១-២៣ ខែសីហានេះ ។
បរិយាកាសនាថ្ងៃដំបូងនៃការប្រមូលផ្តុំជួបជុំនេះ ចាប់ផ្តើមពីល្ងាចថ្ងៃទី ២១ ខែសីហា នៅទីលានកកកុញដោយមនុស្ស ឈរហាលភ្លៀង ក្រុមបាតុករភាគច្រើនពាក់អាវយឺតពណ៌ស ដែលមានអក្សរថា ឈប់៨ឆ្នាំ បោសសម្អាតពួកបោកប្រាស់ខ្លះ ឆ្កួតអំណាច ទាសករ ប្លន់ជាតិ លក់ផែនដី ។
ក្រោមតំណក់គ្រាប់ភ្លៀងដ៏ខ្លាំង ក្រុមមនុស្សតស៊ូពាក់អាវភ្លៀង រួមដោយការប្រគំតន្ត្រី និងសេចក្តីថ្លែងព័ត៌មានពីការកេណ្ឌគ្នានៅម៉ោង ១៧.០០ នាទីថ្ងៃនេះ ៕