...បើខ្ញុំមានលុយចាយជាតិនេះមិនអស់ ក៏ខ្ញុំទិញរថយន្តទំនើបជាងនេះ ៤-១០ គ្រឿង ជិះបង្អួតភ្នែកមនុស្សឲ្យចម្លែកភ្នែកដែរ ហើយក៏ហ៊ានទិញអាប៉ូឡូឡើងឋានព្រះច័ន្ទលេងផងដែរ!
ប្រជាជនថៃ បានភ្ញាក់ផ្អើលនឹងរថយន្តដ៏ទំនើបមួយគ្រឿងមានស្លាកលេខខ្មែរ ឃើញបើកនៅក្នុងទីក្រុងបាងកក រហូតមានអ្នកខ្លះនិយាយហៀរទឹកមាត់លើបណ្តាញសង្គមខ្មែរ ឆ្ងល់ថា កូនអ្នកមាន ឬកូនលោកធំ ឬកូនមន្ត្រីណា មានលុយទិញរថយន្តតម្លៃថ្លៃជាង ៤ លានដុល្លារ ។ ទាំងនេះសុទ្ធតែជាព័ត៌មានចេញពីមាត់ចាប មាត់ព្រាប ទើបមានការភ្ញាក់ផ្អើលនៅល្ងាចថ្ងៃទី ២២ ខែសីហាឆ្នាំ ២០២២ ។ថ្ងៃនេះគេហទំព័រ «មតិអ្នក» ប្រមូលបានព័ត៌មានរថយន្តទំនើបនេះពីប្រទេសថៃឲ្យបងប្អូនអស់ចម្ងល់ខ្លះ ។
រថយន្តនេះមានម៉ាក Bugatti Chiron Sport 110 ANS ដែលផលិតមានចំនួនកំណត់ ត្រឹម ២០ គ្រឿងប៉ុនណោះ ហើយមួយគ្រឿងថ្លៃប្រមាណ ៤,១ លានដុល្លារ និងចំថ្ងៃប្រារព្ធខួប ១១០ ឆ្នាំ នៃការបង្កើតម៉ាក (ប្រេនដ៍) នេះផងដែរ ដូច្នេះហើយទើបនៅល្ងាចថ្ងៃទី ២២ ខែវិច្ឆិកា ឆ្នាំ ២០២២ គេឃើញមានការបង្ហោះរថយន្តទំនើបនេះ ជាឃ្លីបបន្តបន្ទាប់ព្រោងព្រាតពេញបណ្តាញសង្គម... ។
គេបានឃើញថា រថយន្តនោះមានស្លាកលេខកម្ពុជា ដែលម្ចាស់រថយន្តជាអ្នកជំនួញវ័យក្មេង ជាសេដ្ឋីលាក់ខ្លួន ជនជាតិខ្មែរ ។ ចំណែកភរិយារបស់គាត់ជាស្ត្រីជនជាតិថៃលំដាប់ខ្ពស់ ជាអ្នកស្នងមរតករបស់មហាសេដ្ឋីជំនួញ ដូច្នេះខ្ញុំបានឃើញរូបភាពរថយន្តនេះរត់ក្នុងប្រទេសថៃផ្ទាល់ ៕