ដោយ ម៉ារ៉ា
មន្ត្រីថៃកំពុងបន្តតាមដានករណីពុករលួយក្នុងកៅស៊ូនៃសមាគមសហករណ៍នៅខេត្តត្រាង ប្រទេសថៃជាង ៣០០ លានបាត ក្រោយពីសមត្ថកិច្ចចាប់ខ្លួនអតីតប្រធានសមាគមសហករណ៍ និងកំពុងស៊ើបរកអ្នកជាប់ពាក់ព័ន្ធជាច្រើនរូបទៀត ។
នៅសហករណ៍ខេត្តត្រាង ដែលធ្វើអាជីវកម្មបញ្ញើកៅស៊ូពីសហករណ៍ជាសមាជិក និងជាបណ្តាញទីផ្សារកៅស៊ូកណ្តាល ក្នុងខេត្តសុងក្លា បានរកឃើញថា ក្រោមការគ្រប់គ្រងរបស់គណៈកម្មាធិការថ្មី ជាប្រធានក្រុមប្រឹក្សាភិបាល ហើយបានព្យាយាមស្ដារអាជីវកម្មដែលស្ទើរតែក្ស័យធនពីលោកស្រី និត្រាដា អាសេម អាយុ ៤៧ ឆ្នាំដែលជាអតីតអ្នកគ្រប់គ្រងសមាគមសហករណ៍ខេត្តត្រាង រួមជាមួយនឹងក្រុមពុករលួយកៅស៊ូសហគមន៍សហករណ៍ ដើម្បីលក់ដាក់លុយក្នុងហោប៉ៅរបស់ខ្លួន បង្កឲ្យខូចខាតទឹកប្រាក់ជាង ៣០០ លានបាត។
រហូតមកដល់ពេលថ្មីៗនេះ ប៉ូលិសមកពីនាយកដ្ឋានប្រឆាំងបទល្មើសសេដ្ឋកិច្ចបានតាមដាន និងចាប់ខ្លួនអតីតអ្នកគ្រប់គ្រងដ៏ល្បីម្នាក់នៅខេត្តរ៉ាចបុរី កាលពីថ្ងៃទី ១១ ខែសីហា កន្លងទៅ ក្នុងពេលរត់គេចពីដីកាចាប់ខ្លួនរបស់តុលាការខេត្តត្រាង ៤ករណី រួមមាន ក្តីទទួលផលចោរកម្ម និងករណីឆបោក សំណុំរឿងឈ្មួញកៅស៊ូ និងករណីកេងបន្លំកៅស៊ូ រួមទាំងករណីលួចទ្រព្យសម្បត្តិរបស់និយោជក (កៅស៊ូនៃសហគមន៍សហករណ៍ត្រាង) ដោយលោកស្រី នីតាដា បានភៀសខ្លួនទៅតំបន់នៃខេត្តរ៉ាចបុរី បន្ទាប់មកត្រូវបាននាំមកតុលាការវិញ និងត្រូវបានឃុំខ្លួននៅពន្ធនាគារខេត្តត្រាង ៕