អត្ថបទ សូរ្យសែង៖
រដ្ឋាភិបាលជប៉ុនបានត្រៀមថវិការដ្ឋ និងថវិការបស់គណបក្សសេរីប្រជាធិបតេយ្យ ចំនួន ១,៨៣ លានដុល្លារ ស្មើ 7,528,666,361 រៀលដើម្បីរៀបចំបុណ្យសពអតីតនាយករដ្ឋមន្ត្រី ស៊ីនហ្សូ អាបេ នៅថ្ងៃទី២៧ ខែកញ្ញា ឆ្នាំ ២០២២ ។
លោក អាបេ ជាអ្នកដឹកនាំប្រទេសជប៉ុនយូរជាងគេបំផុត និងជាសមាជិកគណបក្សសេរីប្រជាធិបតេយ្យដ៏សំខាន់ ត្រូវគេលបធ្វើឃាតអនិច្ចកម្មដោយបាញ់កាំភ្លើង កាលពីថ្ងៃទី ៨ ខែកក្កដា ឆ្នាំ ២០២២ ហើយត្រូវរដ្ឋាភិបាលជប៉ុនសម្រេចប្រារព្ធបុណ្យសព នៅព្រលានកីឡា នីបប៉ន ប៊ូដូកាន់ ក្នុងទីក្រុងតូក្យូនាថ្ងៃទី ២៧ ខែកញ្ញា ២០២២ ខាងមុខនេះ ។
ក្នុងពិធីនេះ នឹងមានមេដឹកនាំពិភពលោកទាំងអតីត និងបច្ចុប្បន្ន មានដូចជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា, អតីតប្រធានាធិបតីសហរដ្ឋអាមេរិក លោក បារ៉ាក់ អូបាម៉ា ជាដើម ។ ចំណែកប្រធានាធិបតីរុស្ស៊ី វ៉្លាឌីមៀ ពូទីន តាមព័ត៌មានថា មិនមកចូលរួមទេ ៕