អត្ថបទ សូរ្យរិទ្ធ៖
របៀបវារៈនយោបាយនៅប្រទេសថៃ កំពុងតែស្ថិតនៅការរង់ចាំការអានសាលក្រមរបស់តុលាការធម្មនុញ្ញជាថ្មី ស្តីអំពីអាណត្តិនាយករដ្ឋមន្ត្រី ៨ ឆ្នាំរបស់ «ប៊ិកទូ ឈ្មោះហៅក្រៅរបស់លោក ប្រាយុទ្ធ ច័ន្ទអូឆា» ក្រោយគាត់ដាក់ការពន្យល់ទៅតុលាការធម្មនុញ្ញជាថ្មី ។
បន្តដោយសកម្មភាពរបស់តុលាការដែលសុំការបំភ្លឺ កំណត់ហេតុបន្ថែមនៃកិច្ចប្រជុំគណៈកម្មាធិការតាក់តែងរដ្ឋធម្មនុញ្ញ ដែលត្រៀមប្រជុំនៅថ្ងៃទី ១៤ ខែកញ្ញាខាងមុខនេះ គេនៅរង់ចាំតែថ្ងៃតុលាការធម្មនុញ្ញអានសាលក្រម ទើបដឹងជោគវាសនារបស់ « ប្រាយុទ្ធ » និងអនាគតនយោបាយរបស់ថៃ ។
មានការវិភាគថា ពេលវេលានយោបាយដែលនឹងបន្ត ប្រសិនបើលោក ប្រាយុទ្ធ នៅរស់បាន ៨ ឆ្នាំពេញ នឹងអាចអង្គុយជានាយករដ្ឋមន្ត្រីបន្ត រហូតដល់អង្គុយជាប្រធានវេទិកាកិច្ចប្រជុំ APEC ។ បន្ទាប់មកចាប់ពីខែវិច្ឆិកា ដល់ខែធ្នូ វានឹងក្លាយជាការរាប់ថយក្រោយដល់ការរំលាយសភាតំណាងរាស្រ្ត ។
ក្នុងអំឡុងពេលនេះ គេបានឃើញទីលាននយោបាយមានសភាពអ៊ូអរ តែគណបក្សនីមួយៗបានត្រៀមរួចរាល់ ហើយ ដូចជា «គណបក្សភូមិចៃថៃ» ដែលលោក អានុធិន ឆានវីរ៉ាគុល ឧបនាយករដ្ឋមន្ត្រី និងជារដ្ឋមន្ត្រីក្រសួងសុខាភិបាល ក្នុងនាមជាប្រធានគណបក្ស បានលើកទ័ពទៅភាគខាងត្បូង ប៉ះជាមួយ «គណបក្សប្រជាធិបតេយ្យ» ជាម្ចាស់ដែនដី ដែលធ្វើឲ្យបក្សរួមរដ្ឋាភិបាលទាំងពីរ ប្រកួតប្រជែងគ្នានៅខេត្តក្រៈប៊ីតំបន់ភាគខាងត្បូង នេះ ។
គណបក្ស ថៃភូមិចៃថៃ
ចំណែកខាង «គណបក្សភឿថៃ» ដែលទើបលើកទ័ព «ស៊ីណាវ៉ាត្រា» មកប្រកាសភាពរុងរឿងនៅឈៀងម៉ៃ ក្នុងយុទ្ធនាការ «សាបាដឆៃ ដើម្បីភាគខាងជើងនៃប្រទេសថៃ» ទទួលជ័យជម្នះសមាជិកព្រឹទ្ធសភា ២៥០ រូប ។
ចំណែកគណបក្សថៃសាងថៃ(ថៃបង្កើតថៃ) មានពាក្យចចាមអារ៉ាមថាមាន «big deal» ជាមួយបក្សមួយចំនួន ដូច្នេះហើយ គេនៅតែតាមដានដដែល បើទោះជាពេលនេះលោកស្រី ឃុនយីង ស៊ូដារ៉ាត់ កែវរ៉ាផាន បង្ហាញភាពខ្លាំង និងអង្គុយកៅអីមេបក្សក៏ដោយ ប៉ុន្តែមិនមានភាពប្រាកដប្រជាក្នុងនយោបាយទេ អ្វីៗអាចផ្លាស់ប្តូរបានគ្រប់ពេល ។
គណបក្ស ភឿថៃ របស់កូនស្រី ថាក់ស៊ីន
បន្ទាប់ពីនេះ គេនឹងត្រូវចាំមើលគណបក្សតូចៗផ្សេងទៀត តើលោតគេចពីសេចក្តីស្លាប់ដោយរបៀបណា? ប៉ុន្តែសរុបមក និយាយអំពី«ស្រាចាស់ ក្នុងដបថ្មី» ប៉ុន្តែសូមក្រឡេកមើល «គណបក្សឈានឆ្ងាយ» ក្រោមពាក្យស្លោក «ត្រូវតែដើរមួយជំហានទៀត ដើម្បីប្រទេសថៃរីកចម្រើន» ។
ឆាកនយោបាយថៃដ៏អឹកធឹកនេះ ឆ្លងកាត់ប្រសព្វវារៈ 8 ឆ្នាំ ឆ្ពោះចូលទៅក្នុងសង្រ្គាមថ្មីមួយ ដើម្បីវាស់គ្នានៅទីលានបោះឆ្នោត តើនរណាបាន នរណាបាត់ វាអាស្រ័យលើប្រជាពលរដ្ឋក្នុងការសម្រេចជោគវាសនានយោបាយថៃទេ…៕