ដោយ សូរ្យសែង៖
លោក មហាធៀរ ម៉ូហាម៉ាដ អតីតនាយករដ្ឋមន្ត្រីម៉ាឡេស៊ី បានសម្តែងក្តីជឿជាក់ថា គាត់នៅមានសុខភាពរឹងមាំ និងអាចចូលប្រឡូកក្នុងការបោញឆ្នោតឆាប់ៗនេះ ទាំងមានអាយុ ៩៧ ឆ្នាំទៅហើយ ។
ឆ្លើយជាមួយកាសែតជប៉ុន Nikkei Asia គាត់បញ្ជាក់ថា គាត់នៅមានសុខភាពរឹងមាំ ល្មមនឹងចុះប្រឡូកលើទីលានបោះឆ្នោតរបស់ម៉ាឡេស៊ីបាន ក្រោយពីនាយករដ្ឋមន្ត្រីម៉ាឡេស៊ីបច្ចុប្បន្នប្រកាសរំលាយសភា ទោះជាមិនទាន់ប្រកាសថ្ងៃបោះឆ្នោត តែលោក មហាធៀរ និយាយថា គួរតែធ្វើឡើងនៅដើមខែវិច្ឆិកា ។
«សុខភាពទាំងកាយ ទាំងចិត្ត មិនទ្រុឌទ្រោមទេ» ស្តាប់ទៅគាត់ហាក់មានក្តីសង្ឃឹមច្រើន ក្នុងការទាញយកតំណែងនាយករដ្ឋមន្ត្រីមកវិញ» ។
សម្រាប់លោក មហាធៀរ ត្រូវបានគេចាត់ទុកថាជាអ្នកនយោបាយដែលមានប្រវត្តិដ៏សម្បូរបែប ដោយធ្លាប់ជានាយករដ្ឋមន្ត្រីអស់ជាច្រើនទសវត្សរ៍ពីឆ្នាំ 1981-2003 មុនពេលបង្កើតប្រវត្តិសាស្ត្រដោយការវិលត្រឡប់មកកាន់នាយករដ្ឋមន្ត្រីវិញនៅឆ្នាំ 2018 ដែលជាការបោះឆ្នោតជាប្រវត្តិសាស្ត្រលើកដំបូងដើម្បីផ្តួលរំលំអតីតគណបក្សកាន់អំណាច ។ វាក៏ជាកិច្ចសហការរវាងលោក និងលោក Anwar Ibrahim ដែលជាអតីតសម្ព័ន្ធមិត្ត និងជាគូប្រជែងនយោបាយផងដែរ ៕