អត្ថបទ សូរ្យសែង៖
នៅវេលាម៉ោង១១ព្រឹក អ្នកយកព័ត៌មានបានរាយការណ៍ពីចលនារបស់ក្រុមបាតុករមានឈ្មោះ «រាស្ត្របញ្ឈប់ APEC 2022» បានចាប់ផ្តើមរៀបចំការជួបជុំជុំវិញវិមានប្រជាធិបតេយ្យ ក្នុងទីក្រុងបាងកក ។ បន្ទាប់មក សមត្ថកិច្ច បានព្យាយាមបំបែកការជួបជុំ ដោយរឹបអូសផ្ទាំងក្រណាត់ និងជណ្ដើរដែលរៀបចំដោយបាតកុរ ដើម្បីប្រើប្រាស់ក្នុងសកម្មភាព ធ្វើឱ្យបាតុករក្តៅចិត្ត ។
នៅលើទំព័រហ្វេសប៊ុក «ទម្លាយមេឃ» បានបង្ហោះវីដេអូឃ្លីបពីសកម្មភាពប៉ូលិសប៉ះទង្គិចជាមួយបាតុករ និង បានចាប់បដា និងជណ្តើរ ក្នុងមនោះបាតុករក៏បានស្រែកជេរដាក់សមត្ថកិច្ចផងដែរ ។
នៅក្នុងទីក្រុងបាងកកដដែល ក្រុមមហាជន "WHAT HAPPENED IN THAILAND" បានរៀបចំសកម្មភាព «តុបតែងកាយ ស្លៀកសម្លៀកបំពាក់ ដើម្បីឆ្លុះបញ្ចាំងពីអ្វីដែលបានកើតឡើងនៅក្នុងប្រទេសថៃ ចង់ឱ្យពិភពលោកដឹង និងប្រាស្រ័យទាក់ទងជាមួយមេដឹកនាំពិភពលោក» ហើយធ្វើដំណើរដោយថ្មើរជើងដើម្បីប្រគល់ញ្ញត្តិទៅមេដឹកនាំសេដ្ឋកិច្ច APEC 2022 ។
សមត្ថកិច្ចបានបិទផ្លូវនៅចំណុចប្រសព្វ ដោយការបង្កើនកងទ័ព និងលួសបន្លា រួមជាមួយមន្ត្រីប៉ូលិសចុះត្រួតពិនិត្យយ៉ាងខ្លាំងជាមួយអ្នកដែលនឹងចូលទៅក្នុងតំបន់ផ្លូវបំបែក ដែលជាផ្លូវដែលកិច្ចប្រជុំ APEC 2022 ត្រូវបានប្រារព្ធឡើងនៅមជ្ឈមណ្ឌលសន្និបាតជាតិ ឃ្វីនសេរីគីត (Queen Sirikit) ៕