ដោយ សូរ្យរិទ្ធ៖
កាសែត The Garden ត្រូវបានស្រង់ពីកាសែត មតិឈុន របស់ថៃ ដែលចេញផ្សាយនៅថ្ងៃទី ១៧ ខែវិច្ឆិកា ឆ្នាំ ២០២២ នេះថា ព្រះរាជអាជ្ញាសហរដ្ឋអាមេរិកបានចោទប្រកាន់មនុស្ស ៨ នាក់ ពីបទជួញដូរសត្វស្វាឆ្លងដែន រួមទាំងមន្ត្រីថ្នាក់អគ្គនាយក និងអគ្គនាយករងនៃភ្នាក់ងារសត្វព្រៃកម្ពុជា រងការចោទប្រកាន់ពីបទរត់ពន្ធសត្វស្វាដែលជិតផុតពូជចូលសហរដ្ឋអាមេរិកដោយខុសច្បាប់ ដោយមន្ត្រីភ្នាក់ងារសត្វព្រៃកម្ពុជា ត្រូវអាជ្ញាធរសហរដ្ឋអាមេរិកដំណើរការក្តី ក្រោយចាប់ខ្លួន ក្នុងពេលធ្វើដំណើរទៅចូលរួមអនុសញ្ញាស្តីពីពាណិជ្ជកម្មអន្តរជាតិ ប្រភេទសត្វព្រៃ និងរុក្ខជាតិព្រៃ ជិតផុតពូជ (CITES) នៅប្រទេសប៉ាណាម៉ា ។
ក្រុមរត់ពន្ធសត្វស្វាឆ្លងដែន មានមន្ត្រីពីររូបមកពីភ្នាក់ងារសត្វព្រៃរបស់កម្ពុជា គឺលោក ម៉ាផល គ្រី (Masphal Kry ) អាយុ ៤៦ ឆ្នាំ ជាមន្ត្រីនាយកដ្ឋានសត្វព្រៃ និងជីវចម្រុះ ក្រសួងកសិកម្ម រុក្ខាប្រមាញ់ និងនេសាទកម្ពុជា ត្រូវបានចាប់ខ្លួននៅអាកាសយានដ្ឋាន John F. Kennedy ក្នុងទីក្រុងញូវយ៉ក កាលពីថ្ងៃទី ១៦ ខែវិច្ឆិកា និងលោក កែវ អូម៉ាលីស (Omaliss Keo) អាយុ ៥៨ ឆ្នាំ ។
ចំណែក ៦ នាក់ទៀត ត្រូវបានចោទប្រកាន់ផងដែរពីបទទាក់ទងទៅនឹងក្រុមហ៊ុន Vanny Resources Holdings ដែលមានមូលដ្ឋាននៅទីក្រុងហុងកុង ពាក់ព័ន្ធនឹងការបង្កាត់ពូជស្វាសម្រាប់ការសិក្សាស្រាវជ្រាវ និងវិទ្យាសាស្ត្រ ដែលផ្គត់ផ្គង់សត្វស្វាទៅកាន់មន្ទីរពិសោធន៍នៅរដ្ឋផ្លរីដា និងរដ្ឋតិចសាស់ សហរដ្ឋអាមេរិក ។
ក្រុមជួញដូរសត្វព្រៃនេះ ត្រូវបានចោទប្រកាន់ពីបទទិញពូជស្វាដោយខុសច្បាប់ ក្នុងពេលមានការខ្វះខាតនៃការបង្កាត់ពូជ macaque ខណៈដែលសត្វស្វាគឺជាប្រភេទសត្វដែលត្រូវបានការពារក្រោមច្បាប់ពាណិជ្ជកម្មអន្តរជាតិ ហើយការនាំសត្វចូលក្នុងសហរដ្ឋអាមេរិកតម្រូវឱ្យមានការអនុញ្ញាត ។
ជនជាប់ចោទទាំងអស់ត្រូវបានចោទប្រកាន់ចំនួនប្រាំបី ដោយរាប់នីមួយៗមានទោសជាប់ពន្ធនាគារអតិបរមា 20 ឆ្នាំ ដែលអាចប្រឈមនឹងការជាប់ពន្ធនាគាររហូតដល់ 145 ឆ្នាំ ។
លោក Juan Antonio Gonzalez មេធាវីប្រចាំតំបន់ភាគខាងត្បូងនៃរដ្ឋផ្ល័រីដាបាននិយាយថា សត្វស្វានេះត្រូវបានទទួលស្គាល់ថាជាប្រភេទសត្វជិតផុតពូជ នៅក្រោមសហភាពអន្តរជាតិសម្រាប់ការអភិរក្សធម្មជាតិ (IUCN) ។
ការចោទប្រកាន់នេះបាននិយាយថា លោក James Manzang Lau ស្ថាបនិក និងជាម្ចាស់ក្រុមហ៊ុន Vanny Resources Holdings អាយុ 64 ឆ្នាំ និងអ្នកគ្រប់គ្រងទូទៅ Dixon Lau អាយុ 29 ឆ្នាំ បានគុបគិតគ្នាក្នុងទីផ្សារងងឹត និងមន្ត្រីកម្ពុជាដើម្បីទទួលបានសត្វស្វា និងនាំចេញទៅសហរដ្ឋអាមេរិក ដោយដាក់វាយត្រាទំនិញ ហើយអះអាងថាជាសត្វចិញ្ចឹមបង្កាត់ពូជ ។
យ៉ាងណាក៏ដោយ មន្ត្រីអាមេរិក វាមិនបានបញ្ជាក់ថា ក្រៅពីលោក គ្រី ជនត្រូវចោទ និង អ្នកជាប់ពាក់ព័ន្ធត្រូវបានឃុំខ្លួនក្នុងមន្ទីរឃុំឃាំងឬយ៉ាងណានោះទេ ។
យើងនទាន់មានព័ត៌មានអ្វីពាក់ព័ន្ធនឹងកាសែតខាងលើចុះផ្សាយនៅឡើយទេ ៕