នៅថ្ងៃទី ១៩ ខែវិច្ឆិកា ឆ្នាំ ២០២២ ព័ត៌មានដ៏គួរឲ្យរីករាយនៅមុននេះមួយម៉ោង សម្តេចតេជោ ហ៊ុន សែន នាយករដ្ឋមន្ត្រី បានផ្ញើសារតាមផេកហ្វេសប៊ុករបស់សម្តេចថា សម្តេចបានតេស្តឃើញអវិជ្ជមានមេរោគកូវីដ-១៩ ហើយ បញ្ជាក់ដោយក្រសួងសុខាភិបាល ដែលចុះហត្ថលេខាដោយសាស្ត្រាចារ្យ ហ៊ុន ចំរើន ខ្លឹមសារដ៏ខ្លី តែគួរឲ្យពលរដ្ឋទូទាំងប្រទេសត្រេកអររីករាយ មានទាំងស្រុងដូចខាងក្រោម៖
បងប្អូនជនរួមជាតិជាទីគោរពស្រឡាញ់!
មកដល់ពេលនេះមេរោគកូវីដ.១៩ត្រូវបានធ្វើតេស្តអវិជ្ជមានទាំងស្រុងហើយ។ គ្រូពេទ្យដែលព្យាបាលខ្ញុំចេញលិខិត
បញ្ជាក់ដូចមានភ្ជាប់ជាមួយ ។
ចាប់ពីថ្ងៃអាទិត្យស្អែកនេះនិងពេញមួយសប្តាហ៍ ខ្ញុំមានកម្មវិធីពេញទាំងអស់ តែច្បាស់ជាមិនហត់ពេកនោះទេ ។
សូមអរគុណបងប្អូនជនរួមជាតិដែលបារម្ភ និងបានជូនពរដល់រូបខ្ញុំ៕