អត្ថបទ សូរ្យសែង
ក្រសួងអប់រំបានចេញសេចក្តីជូនដំណឹងមួយ អំពីការចេញលទ្ធផលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ៥ ធ្នូ ២០២២ ។ ក្រសួងអប់រំបានផ្លាស់ប្តូរថ្ងៃចេញលទ្ធផលមកនៅថ្ងៃទី ២២ ខែធ្នូ ឆ្នាំ ២០២២ វិញ ដែលពីមុនគ្រោងនឹងចេញលទ្ធផលនៅថ្ងៃទី ២៧ ខែធ្នូ ឆ្នាំ ២០២២ ។
នៅរសៀលថ្ងៃទី ២២ ធ្នូ នឹងចេញលទ្ធផលចំពោះរាជធានីភ្នំពេញ និងខេត្តកណ្តាលជាមុន ហើយនៅព្រឹកថ្ងៃទី ២៣ ខែធ្នូ នឹងចេញលទ្ធផលនៅតាមខេត្តនានាទូទាំងប្រទេស ។ ការបើកស្រោមបញ្ជីប្រកាសលទ្ធផលប្រឡង នឹងធ្វើនៅតាមមណ្ឌលសំណេររៀងៗខ្លួន ដោយមានការចូលរួមពីនាយក នាយិកា នៃគ្រឹះស្ថានសិក្សាដែលជាមណ្ឌលប្រឡង និងការិយាល័យអប់រំ យុវជន និងកីឡា រួមទាំងអាជ្ញាធរដែនដីផងដែរ ។ ដូច្នេះ សូមប្អូនៗរង់ចាំទទួលលទ្ធផលដោយសេចក្តីរីករាយចុះ អ្នកជាប់ក៏អរ អ្នកធ្លាក់ក៏យំ តែអ្នកធ្លាក់កុំបាក់ទឹក admin សូមលើកទឹកចិត្ត ព្រោះពេលវេលាក៏នៅមាន ឱកាសក៏នៅមាន បរាជ័យថ្ងៃនេះ ជ័យជម្នះនឹងមានថ្ងៃក្រោយណ៎ា! សូមទន្ទេញឲ្យរឹលមាត់ «អ្នកចេះគឺជាប់!» ៕