ដោយ សូរ្យសែង
ទាំងការចូលរួមប្រជុំ ទាំងការទៅទស្សនាទីតាំងអាវុធមីស៊ីល និងពិធីលៀងសាយភោជន៍នៃភ្ញៀវកម្រិតជាន់ខ្ពស់ផ្សេងៗ គេតែងសង្កេតឃើញកូនស្រីរបស់លោក គីម ជុងអ៊ុន មេដឹកនាំកូរ៉េខាងជើង ហែរហមទៅជាមួយបិតា មាតា ជានិច្ច ពិសេសក្រសែភ្នែកពិភពលោក បានផ្តោតទៅលើការទៅចូលរួមក្នុងពិធីសំខាន់ខាងវិស័យយោធានៅក្នុងខែនេះ ។
ការប្រាកដខ្លួនរបស់នាងតូចនេះ ធ្វើឲ្យមានការសន្និដ្ឋានថា នាងអាចនៅក្នុងតំណែងមេដឹកនាំជាន់ខ្ពស់អ្វីមួយនៅក្នុងរបបផ្តាច់ការនៃកូរ៉េខាងជើង ។
កាលពីថ្ងៃពុធ ទី ១៤ កុម្ភៈកន្លងទៅ នាងបានបង្ហាញខ្លួនជាមួយលោក គីម នៅក្នុងក្បួនដង្ហែរយោធាដ៏ធំមួយ ដែលប្រព័ន្ធផ្សព្វផ្សាយកូរ៉េខាងជើងបានបង្ហាញ នាងបានដើរក្បួនជាមួយគាត់ និងម្តាយរបស់នាង រី សុលជូ នៅចំពោះមុខមេទ័ព ។
អ្វីដែលពិសេស ប្រទេសកូរ៉េខាងជើង បានចេញតែម ៥ ប្រភេទ ជារូបលោក គីម ជុងអ៊ុន ជាមួយកូនស្រី ជូ អេ ដាក់ឲ្យប្រើចាប់ពីថ្ងៃទី ១៧ ខែកុម្ភៈនេះតទៅ ។
ពេញមួយថ្ងៃ លោកស្រី រី និងកូនស្រីរបស់លោកស្រីនៅជាមួយលោក គីម ក្នុងពេលដែលកំពុងផឹកស្រា ទទួលទានអាហារ ក្នុងពិធីជប់លៀងដ៏ធំមួយ ក្នុងឱកាសប្រារព្ធខួបកំណើត៧៥ ឆ្នាំ នៃការស្ថាបនាកងទ័ពប្រជាជនកូរ៉េខាងជើង (KPA) ។
ទោះយ៉ាងណា ចារកម្មរបស់កូរ៉េឲ្យខាងត្បូងនិយាយថា នាងតូចនោះ មានឈ្មោះ «ជូ-អេ» តាមលោក ដេន្នីស ប្រាប់ កាលគាត់ជាអតីតកីឡាករបាល់បោះជនជាតិអាមេរិក ដែលធ្លាប់ប្រើពេលនៅជាមួយគ្រួសារលោ គីម កាលពីឆ្នាំ២០១៣៕
****សូមទស្សនាវីដេអូ
រូបភាព REUTERS