អត្ថបទ សូរ្យរិទ្ធ
លោក ថាក់ស៊ីន ឈិនវ៉ាត់ អតីតនាយករដ្ឋមន្ត្រីថៃ បានផ្តល់សម្ភាសជាមួយអ្នកកាសែតជប៉ុន ស្តីអំពីការវិលត្រឡប់ទៅស្រុកកំណើតថៃវិញ ដោយសុខចិត្តទទួលទោស មករួមរស់នៅជាមួយកូន និងចៅៗ ។
កិច្ចសម្ភាសជាមួយ KYODO BEWS កាសែតល្បីរបស់ប្រទេសជប៉ុនថា លោក ថាក់ស៊ីន យល់ព្រមមកទទួលទោសជាប់ពន្ធនាគារនៅក្នុងប្រទេសថៃ ប្រសិនបានទទួលការអនុញ្ញាតឲ្យរស់នៅជាមួយគ្រួសារ មិនថាលទ្ធផលបោះឆ្នោតខាងមុខយ៉ាងណានោះទេ ។
លោក ថាក់ស៊ីន បាននីរទេសខ្លួនទៅបរទេសអស់ពេលដ៏យូរឆ្នាំ គឺតាំងពីមានរដ្ឋប្រហារក្នុងឆ្នាំ 2006 និងធ្វើដំណើរចេញពីប្រទេសថៃកាលពីឆ្នាំ 2008 ។
ពាក់ព័ន្ធនឹងបញ្ហានេះ លោក ថាក់ស៊ីន បានបើកចិត្តថា ពេលនេះខ្ញុំជាប់គុក ១៦ឆ្នាំហើយ ដោយសារតែការដកខ្ញុំចេញពីការរស់នៅជាមួយគ្រួសារ ខ្ញុំបានរងទុក្ខ វាល្មមគ្រប់គ្រាន់ហើយ ប្រសិនត្រូវរងទុក្ខម្តងទៀតនៅក្នុងគុកតូច នោះជាការល្អ ប៉ុន្តែគាត់តាំងចិត្តរួចហើយ ថាចង់ចំណាយពេលដែលនៅសល់នៅជាមួយកូន និងចៅ។
បន្ថែមពីលើនេះ ក្នុងបទសម្ភាសនោះ លោក ថាក់ស៊ីន ក៏បាននិយាយដែរថា «គាត់ប្រាប់កូនស្រីថា កុំឲ្យបក្សជំរុញឲ្យលើកលែងទោសឲ្យគាត់ ខ្ញុំមិនចង់បានដូច្នេះទេវា ព្រោះវានឹងធ្វើឲ្យអ្នកដែលប្រឆាំងនឹងគាត់មិនសប្បាយចិត្ត ប៉ុន្តែមិនមែនដោយសារគាត់ទទួលស្គាល់ថាគាត់ខុសនោះទេ ហើយរំពឹងផងដែរនៅក្នុងការបោះឆ្នោតខាងមុខនេះ គណបក្សភឿថៃនឹងឈ្នះការបោះឆ្នោត ព្រោះប្រជាជនថៃធុញទ្រាន់នឹងរដ្ឋាភិបាលលោក ប្រាយុទ្ធ ៕
ប្រភព KYODO NEWS