ដផយ សូរ្យរិទ្ធ៖
នៅព្រឹកថ្ងៃទី ១ ខែឧសភា ឆ្នាំ ២០២៣ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅក្រុងព្រះសីហនុ បានបន្ទោសធ្ងន់ៗទៅអគ្គនាយកទូរទស្សន៍ជាតិកម្ពុជា(ទ.ទ.ក.) ថាមិនអើពើនឹងការផ្សាយការប្រកួតកីឡាស៊ីហ្គេមលើកទី ៣២ ដែលកម្ពុជាធ្វើជាម្ចាស់ផ្ទះ គឺការប្រកួតបាល់ទាត់ដែលត្រូវលេងមុនបើក ពីម្សិលមិញ (៣០ មេសា) ក្នុងពូល B រវាងក្រុមថៃ-សិង្ហបុរី ដែលប្រកួតម៉ោង ១៦.០០ នាទី និងក្រុម វៀតណាម-លាវ ម៉ោង ១៩.០០ នាទីយប់ ។ ការប្រកួតនេះ សួម្បី Admin យើងចង់ដឹងលទ្ធផល ក៏មិនដឹងថានរណាឈ្នះ នរណាចាញ់ រកមើលមិនឃើញ ។
សម្តេចមានប្រសាសន៍ទាំងកំហឹងថា «ល្ងាចនេះ មុនម៉ោង ១៨.០០ បើមិនឃើញផ្សាយទេ នឹងដកអគ្គនាយកទូរទស្សន៍ រួមទាំងរដ្ឋមន្ត្រីចេញឲ្យអស់» ។ សម្តេចថា ទូរទស្សន៍ឯកជនមានច្រើន នាំគ្នាផ្សាយទៅ យើងចាត់ទុកស៊ីហ្គេមលើកទី៣២ ជាបុណ្យមួយ ហេតុអីមិនផ្សាយ?
សម្តេចតេជោមានប្រសាសន៍ទៀតថា បើមិនមានប្រកួតបាល់ទាត់ ក៏មានការប្រកួតប្រភេទកីឡាផ្សេងទៀតដែរ ដូច្នេះទូរទស្សន៍របស់រដ្ឋត្រូវតែផ្សាយទាំងអស់ ៕
ក្រុមបាល់ទាត់ វៀតណាម និង U22
ក្រុមបាល់ទាត់ U22 សិង្ហបុរី
ក្រុមបាល់ទាត់ U22 ថៃ