by Mara
ធនាគារពិភពលោក (World Bank) បានបញ្ជាក់ថា លោក អាចេ បាំងកា នឹងជាប្រធានធនាគារពិភពលោក ។
លោក បាំងកា ពីបេក្ខជនមកពីសហរដ្ឋអាមេរិក ត្រូវបានគេស្នើឈ្មោះតែម្នាក់គត់សម្រាប់ការងារកំពូលនេះ នឹងបំពេញតួនាទីរបស់គាត់នៅថ្ងៃទី 2 ខែមិថុនា ឆ្នាំ ២០២៣ ជំនួសលោក ដាវីដ ម៉ាល់ប៉ាស ដែលបានលាលែងតំណែងមុនកាលកំណត់ ចំពេលមានការរិះគន់អំពីជំហររបស់គាត់ចំពោះបញ្ហាអាកាសធាតុ ។
លោកប្រធានាធិបតី Joe Biden បាននិយាយនៅក្នុងសេចក្តីថ្លែងការណ៍មួយថា លោក បាំងកា នឹងជួយជំរុញស្ថាប័ន ដើម្បីដោះស្រាយបញ្ហាប្រឈមជាសាកល ដែលជះឥទ្ធិពលដោយផ្ទាល់ដល់បេសកកម្មស្នូលនៃការកាត់បន្ថយភាពក្រីក្រ រួមទាំងការប្រែប្រួលអាកាសធាតុ ៕