ក្តុកក្តួលណាស់ ! ពេលឃើញសុនខដាក់ទ្រុងប្រជ្រៀតគ្នា រង់ចាំមនុស្សមច្ចុរាជយកទៅខ្វៃ

ព័ត៌មានសង្គមថ្ងៃអង្គារ៍ ទី23 ខែឩសភា ឆ្នាំ2023 ម៉ោង 6:45 នាទី ល្ងាច

ដោោយ សូរ្យរិទ្ធ៖

ទោះជាអាជ្ញាធរកម្ពុជាប្រើវិធានការផ្សេងៗ ដើម្បីបង្ក្រាបការជួញដូរសាច់សុនខយកធ្វើអាហារ ក៏នៅតែមានលក់ជារឿយៗក្នុងខេត្តមួយចំនួន ។

កាសែត Khmer Times ដែលត្រូវស្រង់ផ្សាយដោយកាសែតថៃឈ្មោះ mgronline ឲ្យដឹងថា មានសុនខ ៣០០ ក្បាលក្នុងមួយថ្ងៃៗដើម្បីយកសាច់លក់ និងដឹកតាមរថយន្តក្លាសេនាំទៅតាមបណ្តាខេត្តផ្សេងៗ ដែលសាច់វាក្នុងមួយគីឡូក្រាម ១០.០០០ រៀល ។

តាមការបង្ហើបពីអ្នកកាប់សុនខលក់ ទ្រុងដែលពេញដោយឆ្កែទាំងនេះត្រូវបានបោះពីលើទូកទៅក្នុងទឹក ដើម្បីឲ្យវាងឈ្លក់ទឹកងាប់ រួចយកទឹកក្តៅស្រោយយករោមចេញ។

បើតាមការស្ទង់មតិសាធារណៈកាលពីខែកុម្ភៈ ឆ្នាំ2021 ប្រជាជនកម្ពុជា 90% និយាយថា ការលក់សាច់ឆ្កែគួរតែខុសច្បាប់ គួរតែបង្ក្រាបកុំឲ្យបន្តទៅទៀត ។

ដោយសារតែសាច់សុនខមានតម្លៃថ្លៃគួរសម ជារៀងរាល់យប់ គេតែងបាត់សុនខដែលចាំផ្ទះ ដោយសារចោរទីទុយទាក់កចាប់យកទៅលក់ឲ្យឈ្មួញ ។

មើលឃើញរូបសុនខទាំងនេះនៅក្នុងទ្រុង ប្រជាជនកម្ពុជា ដែលេជាអ្នកកាន់ព្រះពុទ្ធសាសនា មានទឹកចិត្តក្តុកក្តួល មិនខុសពី Admin យើងប៉ុន្មានទេ ។ សុនខទាំងនេះ រង់ចាំមនុស្សមច្ចុរាជយកទៅសម្លាប់ដោយគ្មានធម៌មេត្តា ៕