ដោយ សូរ្យរិទ្ធ៖

គេហទំព័រ mgronline របស់ថៃបានផ្សាយថា នាយកដ្ឋានព្រៃឈើប្រទេសឡាវ រាយការណ៍ពីស្ថិតិភ្លើងឆេះព្រៃដែលបានកើតឡើងតាំងពីឆ្នាំ 2014 ដោយបង្ហាញថា ក្នុងរយៈពេល 10 ឆ្នាំកន្លងមកនេះ ប្រទេសឡាវបានបាត់បង់ផ្ទៃដីព្រៃឈើជាង 2 លានរ៉ៃ (320,000 ហិកតារ) ដែលស្ទើរតែទាំងអស់ គឺបណ្តាលមកពីមនុស្សដុត ដើម្បីបំប្លែងព្រៃឈើទៅជាដីកសិកម្មសម្រាប់ដាំដំណាំ ។

កាលពីខែមេសា វិទ្យុយុវជនឡាវ FM 90.0 Mhz បានរាយការណ៍ព័ត៌មានពីនាយកដ្ឋានព្រៃឈើ នៃក្រសួងកសិកម្ម ឡាវឲ្យដឹងថា ស្ថិតិនៃការខូចខាតព្រៃឈើ បណ្តាលមកពីភ្លើងឆេះព្រៃដែលបានកើតឡើងតាំងពីឆ្នាំ 2014 ដល់ឆ្នាំ 2022 ព្រៃឈើជាង 320,000 ហិកតារ ត្រូវបានបាត់បង់នៅក្នុងប្រទេសឡាវ ។

តំបន់ដែលរងការខូចខាតដោយភ្លើងឆេះព្រៃនៅប្រទេសឡាវដែលកើតឡើងជារៀងរាល់ឆ្នាំ មានដូចខាងក្រោម៖

ក្នុង​ឆ្នាំ ២០១៤ ផ្ទៃដី​ព្រៃ​សរុប​ត្រូវ​បាន​បាត់បង់​ចំនួន ៦.២៧៥ ហិកតារ

ក្នុងឆ្នាំ 2015 ផ្ទៃដីព្រៃឈើសរុបត្រូវបានបាត់បង់ចំនួន ២៣.៣៧០ ហិកតារ

នៅឆ្នាំ ២០១៦ ផ្ទៃដីព្រៃឈើសរុបបានបាត់បង់ចំនួន ៦៥.៦៥៦ ហិកតារ

នៅឆ្នាំ ២០១៧ ផ្ទៃដីព្រៃឈើសរុបត្រូវបានបាត់បង់ចំនួន ៦.៥៤៨ ហិកតារ

ក្នុង​ឆ្នាំ ២០១៨ ផ្ទៃដី​ព្រៃឈើ​សរុប​បាន​បាត់បង់​ចំនួន ៤.៣៥៦ ហិកតារ

ក្នុងឆ្នាំ 2019 ផ្ទៃដីព្រៃឈើសរុបត្រូវបានបាត់បង់ចំនួន ១.២៨៥ ហិកតារ

នៅឆ្នាំ ២០២០ ផ្ទៃដីព្រៃឈើសរុបត្រូវបានបាត់បង់ចំនួន ៦.៣២៨ ហិកតារ

នៅឆ្នាំ ២០២១ ផ្ទៃដីព្រៃឈើសរុបត្រូវបានបាត់បង់ចំនួន ២០៩.៦៨២ ហិកតារ

នៅឆ្នាំ 2022 ផ្ទៃដីព្រៃឈើសរុបត្រូវបានបាត់បង់ចំនួន ២.៨៨៦ ហិកតារ

ស្ថិតិនៃផ្ទៃដីព្រៃឈើដែលរងការខូចខាតដោយសារភ្លើងឆេះបានកើនឡើងដល់ជាង 2,080,000 ក្នុងឆ្នាំ 2021 វាជាព្រៃឈើនៅក្នុងខេត្តឧត្តមសាយច្រើនជាងគេ បន្ទាប់មកខេត្ត​ហ្លួងណាំថា ខេត្ត​បរកែវ ខេត្ត​ហ្លួងព្រះបាងង្គ និង​ខេត្ត​សៃយាប៊ូលី ។

សម្រាប់ឆ្នាំនេះ (2023) ភ្លើងឆេះព្រៃបានចាប់ផ្តើមលេចឡើងនៅក្នុងខេត្តជាច្រើនចាប់តាំងពីខែមីនា ដូចជា ខេត្តឧត្តមសៃ ហ្លួងព្រះបាង្គ ហ្លួងណាំថា ហួផាន់ សៃយាប៊ូលី បលិខាំសៃ និងវៀងច័ន្ទ ។ ក្រសួងកសិកម្ម និង ព្រៃឈើ  កំពុងដំណើរការប្រមូលទិន្នន័យតំបន់ដែលរងផលប៉ះពាល់ដោយអគ្គីភ័យទាំងអស់នៅឆ្នាំនេះ ។

ការបាត់បង់ព្រៃឈើប្រមាណ ១០ ឆ្នាំមកនេះ មកពីស្នាដៃមនុស្ស ទាំងចេតនា និងអចេតនា ។