ផ្លូវខូចចំនួន ២៣ ខ្សែ ដែលមានជង្ហុក ១១៦ កន្លែង សម្បុកមាន់ ៨១ កន្លែងទាំងកៅស៊ូ និងបេតុង ក្នុងសង្កាត់បឹង កក់២ ខណ្ឌទួលគោក ត្រូវបានជួសជុលrYcral’ 100% ដោយប្រើប្រាស់កៅស៊ូត្រជាក់ (Cold Mixed) 80 តោន អស់ទឹកប្រាក់ ១២.៩៩៥ ដុល្លារ ជាអំណោយដ៏ថ្លៃថ្លៃរបស់ ឯកឧត្តម កិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី ប្រធានក្រុមការងារថ្នាក់ជាតិចុះជួយខណ្ឌទួលគោក ត្រូវបានធ្វើពិធីបិទ ក្រោមអធិបតី ឯកឧត្តម ទូច ស៊ុនណារី អនុប្រធានក្រុមការងារ គ៧៨ តំណាងដ៏ខ្ពង់ខ្ពស់ ឯកឧត្តម កិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី នៅព្រឹកថ្ងៃអាទិត្យ ទី ២៥ ខែមិថុនា ឆ្នាំ ២០២៣ ។
ផ្លូវខូចទាំងនេះ ចាប់ដំណើរការជួសជុល ពីថ្ងៃទី ១ មិថុនា ឆ្នាំ ២០២៣ រហូតមកដល់ថ្ងៃទី ២០ ខែមិថុនា ឆ្នាំ ២០២៣ បានសម្រេចជួសជុលហើយជាស្ថាពរគួរជាទីរីករាយ ។ នេះជាការជួយសម្រាលបន្ទុកដល់រាជរដ្ឋាភិបាល ក្នុងការពង្រឹងមូលដ្ឋានរបស់ប្រទេសជាតិ ដែលបង្ហាញពីការគាំទ្រដល់រាជរដ្ឋាភិបាល ក្រោមការដឹកនាំដ៏ឈ្លាសវៃរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានគណបក្សប្រជាជនដ៏ផូរផងើនៃយើង ដែលសម្តេចបានប្រឹងប្រែងអភិវឌ្ឍន៍ប្រទេសជាតិ ក្នុងការស្តារ និងកសាងហេដ្ឋារចនាសម័្ពន្ធ ដែលជាអាទិភាពមួយយ៉ាងសំខាន់សម្រាប់សេដ្ឋកិច្ចកម្ពុជា ។
ក្នុងនោះ ដែរ ឯកឧត្តម ទូច ស៊ុនណារី បានរំឭកនៅចំពោះប្រជាពលរដ្ឋដែលបានមកចូលរួមពិធីបិទចំនួន ៣០០ នាក់ថា យើងបោះឆ្នោតនៅថ្ងៃទី ២៣ ខែកក្កដា ឆ្នាំ ២០២៣ ទៅបោះឆ្នោតទាំងអស់គ្នា កុំភ្លេចយកអត្តសញ្ញាណប័ណ្ណទៅជាមួយ ប្រាប់ពីការគូសសន្លឹកឆ្នោត គូសសញ្ញាទេវតាលេខរៀងទី ១៨ ចុងក្រោយគេបង្អស់ សូមថែទាំសុខភាព កុំចេញទៅទេសចរណ៍ ឬទៅក្រៅប្រទេសចំថ្ងៃបោះឆ្នោត ។
ក្នុងពិធីនោះ ក៏មានជូនអំណោយដល់ពលរដ្ឋទាំង ៣០០ នាក់ ដែលជាអំណោយរបស់សម្តេចតេច ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈ ឯកឧត្តម កិត្តិនីតិកោសលបណ្ឌិត ទេសរដ្ឋមន្ត្រី ជាប្រធានក្រុមការងារដ្នាក់ជាតិចុះជួយខណ្ឌទួលគោក មានអង្ករ ២៥ គីឡូក្រាម មីជាតិ មួយកេសតូច និងទឹកស៊ីអ៊ីវមួយួរ ផងដែរ ៕