ដោយ សូរ្យសែង៖
តាមព័ត៌មានពីកាសែតក្នុងស្រុកថៃ បានឲ្យដឹងថា ត្រីងាប់កំពុងជះក្លិនស្អុយនៅឆ្នេរបាងសែន ខេត្តស្រ៊ីរ៉ាឆា ប្រទេសថៃ លាតសន្ធឹងប្រមាណមួយគីឡូម៉ែត្រ ដែលគេជឿថា មកពីអ្នកនេសាទចុះពីទូកអូសអួន ជាប់ត្រីប្រភេទនេះ ដែលមិនសូវមានតម្លៃដោយសារវាជាត្រីមានឆ្អឹងច្រើន ហើយក៏បោះចោលចូលសមុទ្របង្កឱ្យរលកបោកបក់មកលើឆ្នេរ ហើយបញ្ចេញក្លិនស្អុយ ។ អ្នកទេសចរស្រាប់តែត្អូញត្អែរថាមិនហ៊ានហែលទឹកទេ ។
ប្រភេទត្តីនេះមានឆ្អឹងច្រើន ហើយមិនមានតម្លៃ ទើបពេលអ្នកនេសាទចាប់បានក៏បោះចោលទៅវិញ ហើយអណ្តែតមកទើលើឆ្នេរ។ កន្លងមក ក៏ធ្លាប់មានព្រឹត្តិការណ៍បែបនេះដែរ ទឹកសមុទ្រមានក្លិនស្អុយយ៉ាងខ្លាំង ដែលគ្មានអ្នកទេសចរណាហ៊ានមកលំហែកាយ ឬលេងទឹកឡើយ ។ ខាងមន្ត្រីបានប្រមូលសាកសពត្រីបានប្រមាណ ៧តោនរួចមកហើយ ៕
ប្រភព mgronline