ដោយ សូរ្យសែង៖
ប្រភព sanook
អ្នកប្រើប្រាស់ហ្វេសប៊ុក Tong Dhaninrath Bhakdeekirakit ជនជាតិថៃ បានបង្ហោះប្រាប់រឿងដ៏រន្ធត់មួយដែលបានកើតឡើងចំពោះខ្លួនគាត់ ទុកជាការព្រមាន និងជាឧទាហរណ៍មួយសម្រាប់មនុស្សទាំងឡាយ ។
ម្ចាស់អាខោននោះរ៉ាយរ៉ាប់ថា គាត់មានអាជីពជាមគ្គុទ្ទេសក៍ទេសចរណ៍ ហើយត្រូវធ្វើដំណើរទៅទីកន្លែងផ្សេងៗជាច្រើន និងមានគម្រោងធ្វើដំណើរទៅប្រទេសមីយ៉ាន់ម៉ាផងដែរ ហើយគាត់មានបំណងទិញទូរស័ព្ទថ្មីមួយដើម្បីទុកជាជំនួយពេលគាត់ទៅមីយ៉ាន់ម៉ា។
រហូតដល់ថ្ងៃទី១៩ ខែមិថុនា ឆ្នាំ២០២៣ គាត់បានទៅទិញទូរស័ព្ទនៅហាងលក់ទូរស័ព្ទមួយ នៅក្នុងហាងទំនិញមួយ តំបន់ Srinakarin ដោយ Free កាសស្តាប់សម្លេង ព្រមទាំង power bank ដែលមានសមត្ថភាព 10,000 mah ។
គាត់និយាយបន្តថា ពេលត្រឡប់មកផ្ទះវិញ ដោះឧបករណ៍មកពិនិត្យ ហើយសាកសាក power bank នោះ មុនចូលគេង គាត់បានដកឆ្នាំងសាកពី power bank ចេញ ហើយទុកក្នុងថង់ដើម មុនពេលដាក់វានៅក្នុងវ៉ាលីស ដើម្បីរៀបចំកញ្ចប់ធ្វើដំណើរនៅថ្ងៃបន្ទាប់ ។
ក្រោយមកនៅព្រឹកថ្ងៃទី២០ ខែមិថុនា ឆ្នាំ២០២៣ វេលាម៉ោង១១និង០០នាទីព្រឹក ខណៈកំពុងអង្គុយ គាត់ចាប់ផ្តើមធុំក្លិនស្អុយ ដែលគំនិតដំបូងគឺមកពីផ្ទះផ្សេង មួយសន្ទុះក្រោយមក ក៏ឮសំឡេងផ្ទុះយ៉ាងខ្លាំង ខ្លួនក៏ប្រញាប់រត់ចេញទៅមើលមុខផ្ទះ។ ស្រាប់តែអ្នកជិតខាងស្រែកថា មានផ្សែងហុយចេញពីផ្ទះរបស់គាត់ រហូតដល់មានភាពវឹកវរ ។
តើផ្សែងចេញពីបន្ទប់ណា? ព្រោះបន្ទប់នីមួយៗមិនមានដោតអ្វីទាំងអស់ រហូតដល់គាត់ដឹងថាមានផ្សែងចេញពីបន្ទប់គេង ប៉ុន្តែមិនអាចបើកទ្វារចូលបន្ទប់បាន រហូតសន្តិសុខយកញញួរមកវាយទ្វារចូលទៅបាញ់ក្នុងបន្ទប់ដេក ។
សរុបសេចក្តីមកអគ្គិភ័យនេះកើតចេញពីគំនរវ៉ាលីដាក់នៅកណ្តាលបន្ទប់ ដែលមានខូចខាតយ៉ាងច្រើន រហូតដល់ម៉ាស៊ីនត្រជាក់រលាយ ប៉ុន្តែសំណាងល្អភ្លើងមិនទាន់រាលដល់កន្ទេល។ ពេលចុះពិនិត្យក៏បានរកឃើញថា មូលហេតុនៃការផ្ទុះនិងឆេះនេះមកពី power bank ។ តែគាត់នៅតែឆ្ងល់ តើវាផ្ទុះដោយរបៀបណា? ដោយសារតែបន្ទប់គេងមិនក្តៅទាល់តែសោះ ព្រោះម៉ាស៊ីនត្រជាក់ទើបបានបិទ ៣០ នាទីមុនពេលចុះមកក្រោម ។
ចុងក្រោយម្ចាស់ការបង្ហោះបាននិយាយ «តើសំណាងប៉ុណ្ណា? វាមិនផ្ទុះនៅពេលយើងគេង តើមានគុណសម្បត្តិយ៉ាងណា នៅពេលដែលយើងមិនទាន់បានឡើងយន្តហោះ ។ និយាយដោយស្មោះត្រង់ ឥឡូវនេះខ្ញុំខ្លាចឡើងយន្តហោះ ដោយសារយើងមិនដឹងថាអ្នកដែលធ្វើដំណើរក្នុងយន្តហោះដូចគ្នានឹង ទុក Power Bank បែបនេះ ៕