អាស៊ានមិនចុះសម្រុងរឿងមីយ៉ាន់ម៉ា តែចេញសេចក្តីថ្លែងការណ៍រួមគ្នា
ដោយ សូរ្យសែង៖
សេចក្តីថ្លែងការណ៍រួម ដោយកិច្ចប្រជុំរដ្ឋមន្ត្រីការបរទេសអាស៊ាន បានថ្កោលទោសអំពើហឹង្សា «ពីគ្រប់ទម្រង់ និងគ្រប់វិស័យ» នៅក្នុងប្រទេសមីយ៉ាន់ម៉ា ដោយបានអំពាវនាវឱ្យមានការចរចាដោយផ្អែកលើវិធីសាស្រ្តឯកភាព ៥ ចំណុច ។
ទីភ្នាក់ងារសារព័ត៌មានបរទេសរាយការណ៍ពីទីក្រុងហ្សាការតា ប្រទេសឥណ្ឌូណេស៊ី នៅថ្ងៃទី១៤ ខែកក្កដា ថា កិច្ចប្រជុំរដ្ឋមន្ត្រីការបរទេស នៃសមាគមប្រជាជាតិអាស៊ីអាគ្នេយ៍ ហៅកាត់ថា «អាស៊ាន» បានចេញសេចក្តីថ្លែងការណ៍រួមមួយ កាលពីថ្ងៃទី ១៣ កក្កដា ដែលជាថ្ងៃចុងក្រោយនៃកិច្ចប្រជុំរយៈពេលពីរថ្ងៃ ឲ្យប្រកាន់ខ្ជាប់នូវការអនុវត្តគោលការណ៍ណែនាំរួមទាំង ៥ របស់អាស៊ាន ដើម្បីដោះស្រាយវិបត្តិនៅមីយ៉ាន់ម៉ា ។
ទន្ទឹមនឹងនេះ អាស៊ានថ្កោលទោសយ៉ាងខ្លាំង ប្រឆាំងនឹងអំពើហឹង្សា រួមទាំងការវាយប្រហារតាមអាកាស ការប្រើប្រាស់កាំភ្លើងធំ ការបំផ្លាញហេដ្ឋារចនាសម្ព័ន្ធសាធារណៈ និងទ្រព្យសម្បត្តិ រួមនឹងសំណើទៅគ្រប់វិស័យ និងចាត់វិធានការឲ្យបានម៉ឺងម៉ាត់រួមគ្នាដើម្បីបញ្ចប់«ការប្រើអំពើហិង្សាដោយបំពាន»។
លើសពីនេះ សេចក្តីថ្លែងការណ៍ក៏បានអំពាវនាវដល់ភាគីទាំងអស់ក្នុងប្រទេសមីយ៉ាន់ម៉ា ឱ្យធ្វើ «ការផ្តល់បរិយាកាសស្ថាបនា» សម្រាប់ការផ្តល់ជំនួយមនុស្សធម៌ និងការចរចាកម្រិតប្រទេស ។
គ្រប់ភាគីពិភាក្សា «ជាការប្រើប្រាស់ភាសាសម្រាប់បញ្ហាមីយ៉ាន់ម៉ា» ហើយប្រទេសមួយចំនួនចង់ឲ្យអាស៊ានពិគ្រោះដោយផ្ទាល់ជាមួយរបបយោធា ខ្លះសង្កត់ធ្ងន់លើវិធីសាស្រ្តឯកភាពប្រាំចំណុច និងការធ្វើឱ្យរស់ឡើងវិញនៃការចរចា «ត្រូវតែជាមូលដ្ឋាន» ដែលប្រភពព័ត៌មានបានវិភាគថា នេះឆ្លុះបញ្ចាំង «ការបែកបាក់កាន់តែស៊ីជម្រៅក្នុងអាស៊ាន»៕
ប្រភព AFP
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម