ហ៊ុន ម៉ាណែត ៖ ការបោះឆ្នោតគឺស្របច្បាប់ មិនខ្វល់ពីការរិះគន់របស់បរទេស

នយោបាយថ្ងៃច័ន្ទុ ទី24 ខែកក្កដា ឆ្នាំ2023 ម៉ោង 7:47 នាទី ល្ងាច

ដោយ សូរ្យរិទ្ធ៖

ថ្ងៃច័ន្ទ ទី ២៤ កក្កដានេះ សហរដ្ឋអាមេរិកបានថ្កោលទោសការបោះឆ្នោត ដែលគឹដឹងថា គណបក្សប្រជាជនកម្ពុជានឹងឈ្នះអាសនៈភាគច្រើនក្នុងចំណោមអាសនៈទាំង ១២៥ ក្នុងសភាជាន់ទាប។

ប៉ុន្តែឯកឧត្តម ហ៊ុន ម៉ាណែត បានបង្ហោះសារដ៏មានន័យថា គាត់គោរពចំពោះជ័យជម្នះរបស់គណបក្សខ្លួន «ប្រជាជនកម្ពុជាបានបង្ហាញពីចេតនារបស់ពួកគេយ៉ាងច្បាស់តាមរយៈការបោះឆ្នោត មនុស្សជាច្រើនបានបង្ហាញការគាំទ្រដល់គណបក្សប្រជាជនកម្ពុជា ឯកឧត្តមបានអរគុណប្រជាជនកម្ពុជាដែលបានជ្រើសរើសផ្លូវទៅបោះឆ្នោត ជាពិសេសអ្នកដែលស្រឡាញ់ និងជឿជាក់លើគណបក្សប្រជាជនកម្ពុជា» ។

ការប្រកាសលទ្ធផលបោះឆ្នោតជាផ្លូវការនឹងត្រូវចំណាយពេលជាច្រើនសប្តាហ៍ បើទោះបីជាគណបក្សប្រជាជនកម្ពុជាអះអាងកាលពីថ្ងៃអាទិត្យថាខ្លួនបានឈ្នះភ្លូកទឹកភ្លូកដីក៏ដោយ។

គណបក្សហ្វ៊ុនស៊ិនប៉ិច(FUNCINPEC ) ជាគណបក្សចម្រុះតូច ដឹកនាំដោយព្រះអង្គម្ចាស់នរោត្តម ចក្រាវុធ ព្រះអង្គរំពឹងថានឹងឈ្នះអាសនៈចំនួនប្រាំក្នុងសភា ដែលផ្តល់ឱ្យសភាមានភាពចម្រុះជាងបន្តិច បន្ទាប់ពីគណបក្សប្រជាជនកម្ពុជាឈ្នះគ្រប់អាសនៈក្នុងការបោះឆ្នោតលើកមុន។

ចំណែកសហរដ្ឋអាមេរិកបែរជាចោទថា ការបោះឆ្នោតនេះមិនសេរី និងអយុត្តិធម៌ វាបង្ហាញពីគំរូនៃការយារយី និងការបំភិតបំភ័យប្រឆាំងនឹងគូប្រជែងនយោបាយ ប្រព័ន្ធផ្សព្វផ្សាយ និងសង្គមស៊ីវិល។

អ្នកនាំពាក្យក្រសួងការបរទេសសហរដ្ឋអាមេរិក លោក Matthew Miller បាននិយាយនៅក្នុងសេចក្តីថ្លែងការណ៍មួយថា «សកម្មភាពនេះបដិសេធសំឡេង និងជម្រើសរបស់ប្រជាជនកម្ពុជា ដើម្បីរៀបចំអនាគតរបស់ប្រទេស» ។ លោកបាននិយាយថា ទីក្រុងវ៉ាស៊ីនតោនកំពុងរៀបចំដាក់កំហិតទិដ្ឋាការលើបុគ្គលមួយចំនួនសម្រាប់ការបំផ្លាញលទ្ធិប្រជាធិបតេយ្យ និងផ្អាកកម្មវិធីជំនួយក្នុងគម្រោងមួយចំនួន ។

រីឯក្រសួងការបរទេសចិន អបអរសាទរសម្តេចតេជោ ហ៊ុន សែន ថាគាត់បានឈ្នះការបោះឆ្នោតដោយជោគជ័យ លោកបាននិយាយថា លោកកំពុងទន្ទឹងរង់ចាំការពង្រឹងទំនាក់ទំនងជិតស្និទ្ធរបស់លោកដែលមានស្រាប់ ។

ប្រផិភូអន្តរសភាអាស៊ាន (AIPA) បានទទួលស្គាល់ គោរពនិងកោតសរសើររដ្ឋាភិបាល និងប្រជាជនកម្ពុជា សម្រាប់ការប្តេជ្ញាចិត្តចំពោះគោលការណ៍ប្រជាធិបតេយ្យ និងការខិតខំប្រឹងប្រែង ចំពោះការរៀបចំ និងដំណើរការបោះឆ្នោតនេះ ។ ដំណើរការបោះឆ្នោតនេះ បានបង្ហាញពីភាពវិជ្ជមានជាច្រើន ដែលបានរួមចំណែកដល់ការបោះឆ្នោត ដែលរៀបចំបានល្អ ។

ចំណែកគណបក្សនយោបាយផ្សេងៗដែលបានចូលប្រកួតលើសមរភូមិបោះឆ្នោត ក៏បានប្រកាសទទួលស្គាល់នៃលទ្ធផលបឋមនេះដែr ។

អ្នកនាំពាក្យក្រសួងមហាផ្ទៃបានប្រាប់ AFP ថាអាជ្ញាធរកំពុងស៊ើបអង្កេតមនុស្ស 27 នាក់ពីបទញុះញង់អ្នកបោះឆ្នោត ឱ្យបាត់បង់សន្លឹកឆ្នោតនៅថ្ងៃបោះឆ្នោត។

ម្ចាស់ហាងលក់កាសែតវ័យ ៤២ ឆ្នាំម្នាក់ បានប្រាប់ AFP ថា៖ «ស្ថានការណ៍គឺធម្មតា និងស្ងប់ស្ងាត់ ដោយខាងក្រោយរបស់គាត់ មានកាសែតខ្មែរនិងអង់គ្លេសកំពុងព្យួរលក់ ចេញផ្សាយព័ត៌មានអំពីការការបោះឆ្នោត។

នៅក្នុងប្រទេសដែលហែកហួរដោយអំពើប្រល័យពូជសាសន៍ និងសង្រ្គាម ដូចដែលអ្នកដែលបានរស់នៅរហូតមកដល់ពេលនេះអាចចងចាំបាន មនុស្សជាច្រើនដឹងគុណចំពោះការបន្តការគ្រប់គ្រងរបស់ សម្តេចតេជោ ហ៊ុន សែន និងឆន្ទៈក្នុងការប្រគល់អំណាចទៅកូនប្រុសរបស់គាត់នាពេលអនាគត ។

ម្ចាស់តូបលក់កាសែតវ័យ ៥២ឆ្នាំមួយរូបនិយាយថា គាត់សោកស្ដាយសម្តេចតេជោ ហ៊ុន សែន ដែលមិនកាន់តំណែង ប៉ុន្តែជាការល្អម្យ៉ាងសម្រាប់កូនប្រុសរបស់គាត់ក្នុងការបន្តដឹកនាំ ហើយបានបញ្ជាក់ថា លោកនឹងបន្តគាំទ្រឯកឧត្តម ហ៊ុន ម៉ាណែត ៕