ប្រតិភូការិយាល័យប្រឆាំងអំពើពុករលួយនៃប្រទេសព្រុយណេ ដារូសាឡឹម (ACB) លោកស្រី HASRINA SUZANTY JAMIL
នៅវេលាម៉ោងម៉ោង ១៥.០៩ នាទី ថ្ងៃទី ១៥ សីហាដដែល គណៈប្រតិភូ ៣ នៃស្ថាប័នប្រឆាំងអំពើពុករលួយប្រទេសអាស៊ាន មាន ព្រុយណេ ឥណ្ឌូនេស៊ី និង សិង្ហបុរី បានអញ្ជើញតាមជើងយន្តហោះរួមគ្នាចុះចតនៅខេត្តសៀមរាប ។
ប្រតិភូគណៈកម្មការលុបបំបាត់អំពើពុករលួយឥណ្ឌូនេស៊ី (KPK) លោក BUDI SANTOSO
ប្រតិភូការិយាល័យប្រឆាំងអំពើពុករលួយនៃប្រទេសព្រុយណេ ដារូសាឡឹម (ACB) ដឹកនាំដោយលោកស្រី HASRINA SUZANTY JAMIL, ប្រតិភូគណៈកម្មការលុបបំបាត់អំពើពុករលួយឥណ្ឌូនេស៊ី (KPK) ចំនួន ២ រូប ដឹកនាំដោយលោក BUDI SANTOSO, ប្រតិភូនៃការិយាល័យស៊ើបអង្កេតការប្រព្រឹត្តអំពើពុករលួយប្រទេសសិង្ហបុរី មានចំនួន ២ រូប ដឹកនាំដោយលោក LEE WEI KIT នាយករងនៃការិយាល័យស៊ើបអង្កេតការប្រព្រឹត្តអំពើពុករលួយសិង្ហបុរី (CPIB) ។
ប្រតិភូនៃការិយាល័យស៊ើបអង្កេតការប្រព្រឹត្តអំពើពុករលួយប្រទេសសិង្ហបុរី ដឹកនាំដោយលោក LEE WEI KIT
គណៈប្រតិភូទាំងបី នឹងចូលរួមកិច្ចប្រជុំលេខាធិការដ្ឋាន នៃស្ថាប័នប្រឆាំងអំពើពុករលួយអាស៊ាន ដែលហៅកាត់ថា អាស៊ាន-ផេក ចំនួនពីរថ្ងៃ គឺថ្ងៃទី ១៦-១៧ សីហា នៅខេត្តសៀមរាប ក្រោមអធិបតីភាពដ៏ខ្ពង់ខ្ពស់របស់ឯកឧត្តម កិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ ក្នុងការបើកកិច្ចប្រជុំខាងលើរួមមានទាំង ១០ ប្រទេស ៕