ដោយ ម៉ារ៉ា៖
កាសែត Financial Times បានរាយការណ៍អំពីការវិភាគឧស្សាហកម្មពីអង្គការ Global Witness ដែលជាអង្គការធនធានធម្មជាតិពិភពលោកថា សហភាពអឺរ៉ុប (EU) គ្រោងនឹងនាំចូលឧស្ម័នធម្មជាតិរាវ (LNG) ពីប្រទេសរុស្ស៊ីក្នុងចំនួនដែលមិនធ្លាប់មានពីមុនមក ទោះបីជាវាមានគោលដៅកាត់បន្ថយការពឹងផ្អែកលើថាមពលហ្វូស៊ីលរបស់រុស្ស៊ីនៅឆ្នាំ 2027 ក៏ដោយ ។
ក្នុងរយៈពេល 7 ខែដំបូងនៃឆ្នាំនេះ ប្រទេសបែលហ្ស៊ិក និងអេស្ប៉ាញ គឺជាអ្នកទិញ LNG ធំទីពីរ និងទីបីរបស់រុស្ស៊ី បន្ទាប់ពីប្រទេសចិន ដែលជាប់ចំណាត់ថ្នាក់លេខ១ ។
សរុបមក ការនាំចូល ឧស្ម័ន (ហ្គាស) របស់ EU បានកើនឡើង 40% ក្នុងអំឡុងខែមករា - ខែកក្កដានៃឆ្នាំនេះ ដែលច្រើនជាងរយៈពេលដូចគ្នានៃឆ្នាំ 2021 ដែលជាមុនពេលការឈ្លានពានពេញលេញរបស់រុស្ស៊ីលើអ៊ុយក្រែន។
ការកើនឡើងនៃការនាំចូលគឺជាលទ្ធផលនៃមូលដ្ឋានប្រៀបធៀបក្នុងកម្រិតទាប ដោយសារសហភាពអឺរ៉ុបមិនបាននាំចូលបរិមាណឧស្ម័នច្រើននៅក្នុងសម័យមុនសង្គ្រាមអ៊ុយក្រែន។ ដោយសារតែការពឹងផ្អែកលើឧស្ម័នធម្មជាតិតាមរយៈបំពង់បង្ហូរប្រេងពីប្រទេសរុស្ស៊ី ប៉ុន្តែការកើនឡើងនេះគឺខ្ពស់ជាងមធ្យមភាគសកលសម្រាប់ការនាំចូល LNG របស់រុស្ស៊ី ដែលឈរនៅ 6% ក្នុងអំឡុងពេលដូចគ្នា ។
ការវិភាគរបស់ Global Witness ផ្អែកលើទិន្នន័យពី Kpler ដែលបង្ហាញថា EU នាំចូលឧស្ម័ន (LNG) ពីរុស្ស៊ីបានកើនឡើងប្រហែល 1.7 ភាគរយ បើធៀបនឹងការនាំចូលកំណត់ត្រាកាលពីឆ្នាំមុន។ តម្លៃនៃការនាំចូលឧស្ម័ន LNG ចាប់ពីខែមករាដល់ខែកក្កដានៅក្នុងទីផ្សារកន្លែងមានចំនួន 5.29 ពាន់លានអឺរ៉ូ ៕
ប្រភពពី infoquest