ប្រភព RT News
ដោយ សូរ្យសែង៖
ចនសុន នៅក្នុងបទសម្ភាសន៍ជាមួយពិធីករ Clayton Morris នៅលើប៉ុស្តិ៍ YouTube Redacted ដែលបានបង្ហោះកាលពីចុងសប្តាហ៍បាននិយាយថា «វាអាចទៅរួចដែល សេលេនស្គី នឹងត្រូវបានបណ្តេញចេញពីរដ្ឋប្រហារក្នុងរយៈពេលបី ឬបួនសប្តាហ៍ខាងមុខ ព្រោះមានការមិនពេញចិត្តយ៉ាងខ្លាំងក្នុងចំណោមទាហាននៅជួរមុខភាគខាងកើត»។
លោក Larry C. Chohnson
កងទ័ពអ៊ុយក្រែនដែលបានហ្វឹកហាត់នៅប្រទេសលោកខាងលិច រួមទាំងរថក្រោះ និងរថពាសដែក ដែលទទួលពីអង្គការណាតូ បានបើកការវាយប្រហារប្រឆាំងដ៏ធំមួយនៅក្នុងតំបន់ Zaporizhia ចាប់តាំងពីដើមខែមិថុនា ប៉ុន្តែនៅតែទទួលបរាជ័យ ហើយឥឡូវនេះគឺស្ថិតនៅចំណុចដែលសហរដ្ឋអាមេរិក និងសម្ព័ន្ធមិត្តបានសម្តែងការខកចិត្តជាចំហចំពោះយុទ្ធសាស្ត្ររបស់អ៊ុយក្រែន ។
ចនសុន មិនមែនជាអ្នកវិភាគអាមេរិកដំបូងគេទេ ដែលបានប្រមើលមើលពីលទ្ធភាពយោធាអ៊ុយក្រែន បែរខ្នងមក លើ សេលេនស្គី នោះ ។ កាលពីដើមខែនេះ លោក Scott Ritter អតីតទាហានម៉ារីនអាមេរិក បាននិយាយថា លទ្ធភាពនៃរដ្ឋប្រហារកំពុងកើនឡើង រាល់ពេលដែលកងទ័ពអ៊ុយក្រែនត្រូវបានបំផ្លិចបំផ្លាញដោយរុស្ស៊ី ។
លោក Scott Ritter
Ritter បានប្រាប់ពិធីករ YouTube លោក George Galloway ថា «យើងអាចឈានដល់ពេលមួយដូចសម័យ កេរេនស្គី 1917 ដែលយោធានិយាយថាយើងត្រូវធ្វើ» ។ ការអត្ថាធិប្បាយរបស់គាត់ក៏ត្រូវបានរាយការណ៍នៅលើគេហទំព័រព័ត៌មានដ៏ល្បីល្បាញ Politico ផងដែរ ។ Politico បានប៉ាន់ស្មានថា តើអ្នកណានឹងគ្រប់គ្រងអ៊ុយក្រែន ប្រសិនបើរុស្ស៊ីធ្វើឃាត សេលេនស្គី ?
ទោះជាយ៉ាងណា ខាងលោក Ritter គិតថា រុស្ស៊ីមិនគួរមានចេតនាដេញតាមលោក សេលេនស្គី ទេ ហើយមេដឹកនាំរូបនេះអាចនឹងត្រូវយោធាក្រញេច និងត្រូវបានជំនួសដោយអ្នកណាផ្សេងដែលមានចិត្តក្រែងរែងជាង។
លោក ចនសុន បានអធិប្បាយដូច្នេះ ជាមួយនឹងទិសដៅនៃជម្លោះដែលកំពុងកើតឡើង ។ ទីក្រុងគៀវ គឺពឹងផ្អែកទាំងស្រុងលើលោកខាងលិច ហើយតម្រូវការរបស់ពួកគេកំពុងតែកើនឡើង ដោយសារតែសក្តានុពលផ្សេងៗរបស់ពួកគេបានថយចុះបន្តិចម្តងៗ ។
អតីតមន្ត្រី CIA រូបនេះ បានបញ្ជាក់បន្ថែមថា យុទ្ធសាស្ត្ររបស់អាមេរិក ក្នុងជម្លោះនេះ គឺដើម្បីទាក់ទាញរុស្ស៊ីឲ្យចូលក្នុងសង្រ្គាមដែលខ្លួនមិនអាចឈ្នះបាន ប៉ុន្តែ «វាជាអ្វីដែលកំពុងកើតឡើងនៅអ៊ុយក្រែនជំនួសវិញ» ហើយក្រុងវ៉ាស៊ីនតោនត្រូវគណនាពីរបៀបដកថយពីជម្លោះ ព្រោះគេមើលស្រាលកម្លាំងសេដ្ឋកិច្ច និងយោធារបស់រុស្ស៊ី។
លោក សឹហ្គេ ឡាវរ៉ូវ រដ្ឋមន្ត្រីការបរទេសរុស្ស៊ី ធ្លាប់លើកហេតុផលស្រដៀងគ្នានេះកាលពីដើមខែនេះ នៅក្នុងបទសម្ភាសមួយដែលចៅហ្វាយនាយលោកខាងលិចរបស់អ៊ុយក្រែន នៅចំពោះមុខសាធារណជន គាត់សន្យាថានឹងប្រយុទ្ធរហូតដល់អ៊ុយក្រែនចុងក្រោយ ប៉ុន្តែបើក្រឡេកមើលប្រវត្តិអតីតកាល ពួកគេតែងតែបោះបង់ចោលសម្ព័ន្ធមិត្ត និងភ្នាក់ងាររបស់ពួកគេរហូត តាំងពីសង្គ្រាមនៅវៀតណាមខាងត្បូង រហូតដល់រដ្ឋាភិបាលរបស់ អារ៉ាហ្វ ហ្គានី នៃប្រទេសអាហ្វហ្គានីស្ថានក្នុងឆ្នាំ 2021 ។
ចំពេលមានការព្រួយបារម្ភពីលោកខាងលិចអំពីភាពស្របច្បាប់របស់មេដឹកនាំអ៊ុយក្រែន ប្រសិនបើពួកគេលុបចោលការបោះឆ្នោតប្រធានាធិបតីឆ្នាំ 2024 តែ សេលេនស្គី ស្នើឱ្យបន្តការបោះឆ្នោត ប៉ុន្តែមានលក្ខខណ្ឌមួយដែលលោកខាងលិចត្រូវទទួលបន្ទុកចំណាយ ។
មេដឹកនាំអ៊ុយក្រែនក៏បានសម្តែងការព្រួយបារម្ភផងដែរ ប្រសិនបើត្រូវលោកខាងលិចបោះបង់ចោល ។ ប៉ុន្តែជំនួយការម្នាក់របស់គាត់បានប្រកែកតាំងពីពេលនោះមកថា សហរដ្ឋអាមេរិក និងសម្ព័ន្ធមិត្តបានគាំទ្រពួកគេសម្រាប់ការវាយប្រហារលើទឹកដីផ្សេងៗ ដែលត្រូវកាន់កាប់ គឺតំបន់ Donetsk, Luhansk, Zaporizhia និង Kherson និងរួមបញ្ចូលទាំងតំបន់គ្រីមៀ ដែលត្រូវបានបញ្ចូលដោយរុស្ស៊ីក្នុងឆ្នាំ 2014 ៕